Kronike 5 Gusht 2022, 16:26

“Skafi hyri me shpejtësi të madhe e më ndau nga vajza”, zbardhet dëshmia e babait të 7-vjeçares së vrarë në Himarë

Shkruar nga Pamfleti
“Skafi hyri me shpejtësi të madhe e më ndau nga

Zbardhet dëshmia e babait të 7-vjeçares e cila u vra nga skafi që drejtohej nga polici Arjan Tase.

Në dëshminë e tij të dhënë për policinë Babi i 7-vjeçares , ka treguar momentet e fundit para se të humbiste vajzën e tij nga goditja fatale e skafit.

Ai ka treguar se skafi i drejtuar nga Tase, po lundronte me shpejtësi të madhe drejtë tyre duke e ndarë atë nga vajza teksa ishin duke notuar, por ndonëse ai është zhytur poshtë, motori ka goditur vogëlushen duke i shkaktuar dëmtime në të gjithë trupin.

“Ishte ora rreth 14:00 dhe pranë bregut të detit isha duke u larë me vajzën. Në ato momente pashë një skaf të bardhë, me dy veta brenda tij. Skafi parkoi në bregun e plazhit pranë një hoteli dhe pashë që zbriti një vajzë dhe më pas një grua me dy fëmijë hipën në skaf dhe drejtuesi i skafit kaloi litarin me piketa dhe ishte duke lundruar në drejtimin ku po lahesha me vajzën. Erdhi në drejtimin tonë dhe hyri me shpejtësi të madhe dhe na ndau mua dhe vajzën. Unë u zhyta poshtë nën ujë dhe skafi goditi vajzën time me pjesën e motorit, duke e dëmtuar në të gjithë trupin. Skafi u largua, por pastaj skafisti u kthye, duke ndaluar skafin në breg”, mësohet të ketë thënë babai i 7-vjeçares”, dëshmon ai.

Kronike babait deshmia zbardhet