Politike29 Qershor 2022, 21:17

“S’kam kohë për Kokalarin, energjitë po i harxhoj për protestën”, Këlliçi: Mezi po e presim 7 korrikun

Shkruar nga Pamfleti
“S’kam kohë për Kokalarin, energjitë po i harxhoj

Deputeti i Partisë Demokratike, Belind Këlliçi i ftuar në “Vizion Plus”, foli lidhur me parapërgatitjet për protestën e 7 Korrikut ku theksoi se PD është e bashkuar në bazë dhe demokratët mezi presin datën e protestës.

Këlliçi tha se pavarësisht problemeve dhe mendimeve të ndryshme që ka PD-ja brenda saj, ata janë bashkuar për kauzën e protestës, madje shtoi se thirrja e protestës ka nisur ti japi efektet e saja pasi ka ndikuar direkt në çmimet e bordit të transparencës të cilat janë ulur në dy ditët e fundit.

Partia Demokratike është komplet e bashkuar nuk është e përçarë përveç një grupi të vogël që nuk përfaqëson PD që është i parëndësishëm. Në çdo takim që kam zhvilluar këto ditë me demokratët dallohet dëshira e tyre dhe mezi e kanë pritur datën e protestës. Keni parë një efekt, bordi i transparencës prej dy ditësh vijon të ule çmimin e naftës. PD në bazë është e bashkuar, mund të ketë debate të brendshme por janë tërësisht normale ku ka debat e mendime ndryshe por padiskutim që është e bashkuar në bazë”, tha ai.

Këlliçi u shpreh se deri më tani janë më shumë se 30 deputetë që i janë bashkuar kauzës së protestës dhe sipas tij, deri në ditën e protestës të gjithë deputetët e PD do ti bashkohen kauzës.

Nuk ua mohoj që në grupin parlamentar ka një përqasje tjetër por po të vini re është krejtësisht e kundërta nga qasja që deputetët kanë në raport me protestën e 7 korrikut. Deri tani janë rreth 31 deputetë që kanë konfirmuar pjesëmarrjen në protestë dhe jam I bindur që deri në datën 7 do të bashkohen të gjithë deputetët që janë votëbesuar nga qytetarët përballë Edi Ramës”, u shpreh ai.

Lidhur me konfliktin me aktivisten e PD, Evi Kokalari, deputeti u shpreh se nuk kishte asgjë personale me askënd thjesht e kishte denoncuar në gjykatë për akuzat e pa provuar që i janë bërë, duke shtuar se i ka fokusuar energjitë vetëm tek protesta për momentin.

Nuk kam asnjë konflikt personal, e kam paditur në gjykatë për akuza pa prova që ka bërë ndaj meje por nuk kam konflikt me askënd. Energjitë po i harxhoj për protestën e 7 korrikut”, përfundoi Këlliçi.

Politike #Belindi #kokalari Protesta