Politike23 Qershor 2022, 16:35

Skandali me burrin e Xhaçkës, Bardhi: Gjatë pandemisë mori pagë lufte, tani do investojë 5.5 milionë euro

Shkruar nga Pamfleti

Sekretari i Përgjithshëm i PD, Gazment Bardhi, ka lëshuar akuza të forta sot ndaj ministres së Jashtme Olta Xhaçka, e cila rrezikon të humbasë mandatin e deputetes.

PD e akuzon atë se ka përfituar nga ligji për investimet strategjike, pasi bashkëshortit të saj i është dhënë e drejta e investimit në bregdet. Bardhi lëshoi valë akuzash në sallën e Parlamentit, ndërsa ka reaguar dhe në rrjetet sociale, ku shprehet se kompania e burrit të Olta Xhaçës ka marrë pagë lufte gjatë pandemisë, ndërsa befas tani do investojë 5.5 milionë euro.

Vetëm me firmë te Edi Ramës mund të ndodhë që sot të jesh “shtresë në nevojë” dhe të përfitosh “pagë lufte” 400 mijë lekë të vjetra, dhe të nesërmen të gdhihesh investitor strategjik që ke kapacitet financiar për të investuar as më shumë dhe as më pak, por plot 5.5 milion euro. Ky është rasti i përfitimit të paligjshëm të pronave publike nga ministrja Olta Xhaçka”, shkruan Bardhi.


Për të rejat më të fundit behuni pjesë e grupit tonë VIRAL në facebook : PAMFLETI

Politike Bardhi investime xhacka