Komisioni i Rithemelimit ka anuluar zgjedhjet në degën e Malësisë së Madhe. Sot pati një incident, pasi kandidati Isa Ramaj theu kutinë e votimit dhe hodhi në tokë fletët e votimit. Ai konfirmoi atë që flitej gjithë këto kohë se kemi të bëjmë me një proces farsë kandidati akuzoi për manipulim të procesit.
Komisioni i Organizimit dhe Monitorimit të Operacioneve Elektorale, informoi se është vënë në dijeni të ngjarjeve të rënda që kanë ndodhur sot, gjatë procesit të votimit për kryetar të degës, në degën Malësi e Madhe të Partisë Demokratike.
“Komisioni ka vendosur anulimin e zgjedhjeve në degën PD Malësinë e Madhe, ai është në procesin e mbledhjes dhe verifikimit të të gjitha fakteve dhe ndodhive që çuan në prishjen e procesit të votimit për të cilat do të shprehet me një vendim zyrtar. Komisioni vlerëson se integriteti, transparenca si dhe vota e lirë e anëtarëve është primare në këtë proces të rëndësishëm të rithemelimit të Partisë Demokratike”, thuhet në njoftim.
