Për Alibeajn, dështimi i marrëveshjes së 18 majit tregon se lojërat në bisedimet PD-PS vijnë nga mazhoranca.
Përmes një deklarate për mediet nga Kryesia e Kuvendit, kryetari i grupit Parlamentar të PD-së është shprehur se nuk kishte asnjë dyshim punët do të shkonin në këtë lloj forme, për këtë arsye edhe kishte preferuar që gjithçka të ishte publike.
Sipas Alibeajt, që në fillime ekzistonte një mungesë besimi nga mazhoranca për emrat që do të hidheshin në tryezë nga opozita për zgjedhjen e presidentit të ri.
“Unë nisem nga ideja e një procesi konsensual që do të përfundonte me zgjedhjen e një presidenti të shqiptarëve dhe mbi palët. Ishim serioz, mund të më keni qortuar se kam qenë shumë strikt në procedurë, me dokument dhe protokoll, takime me media, ky ishte synimi që kishim. Gjithçka në sy të publikut që të kuptohej kush mund të bënte lojëra e farsa, dhe erdhi momenti që u tregua kush është qendrimi i palës tjetër, nuk kisha dyshim. Arsyet janë të shumta, legjitimiteti i mazhorancës nuk është. Me gjithë gjëmat duke marrë të gjitha pushtetet.
U tregua e qartë situata. Dua të jem korrekt që ky dokument veç katër pikave procedurat edhe një pikë tjetër: Shkelja e një anshme e procedurës i njoftohet menjëherë palës dhe bëhet publike. kjo është ajo që po bëj sot.
Cili do të ishte shkaku? Një nga shkaqet është ndoshta edhe cilësia e kandidatëve tanë, jemi anetemuar gjoja për kandidatura jo korrekte. Ata janë njerëz me integritet”, tha ai.
