Partia Socialiste ka depozituar në KQZ dokumentacionin për regjistrimin për zgjedhjet e pjeshme vendore të dates 6 mars 2022, për kryetarë të bashkive. Dokumentacioni është dërguar nga Sekretari i Pergjithshem i PS-së, Damian Gjiknuri, ndërkohë sot është afati i fundit për regjistrimin pranë KQZ.
Zgjedhjet e 6 marsit do të mbahen në 6 bashkitë e vendit që për momentin janë pa kryetar, në Shkodër, Durrës, Dibër, Lushnjë, Vorë dhe Rrogozhinë. Fushata për zgjedhjet nis më 19 shkurt.
Kujtojmë se kryeministri Edi Rama ka nisur të hënën bashkë me Sekretarin e Përgjithshëm të PS Damian Gjiknuri, takimet me drejtuesit politikë dhe deputetët e qarqeve ku ka zgjedhje. Takimi i parë ishte në Fier dhe ka zgjatur rreth një orë. Sipas burimeve, në takim u fol mbi kandidaturat e PS për bashkinë Lushnje. Kryesisë i është propozuar për kandidate për kryetare të bashkisë Lushnje, Eriselda Sefa. Aktualisht Eriselda Sefa është kryetare e komanduar në këtë bashki.
