Po gjatë vitit 2012, me çfarë “punësh” është marrë në Itali?/ Për 8 vite, biznesin bosit të prostitucionit në Itali e ka komanduar Edison Memolla, deri para dy vitesh kur u largua nga Italia dhe u riktheu në Rrogozhinë, si një “yll i ri” i PS, gjoja si “ajka e ekselencës në emigracion, për t’i shërbyer rilindjes së Shqipërisë“
Qysh prej muajit mars 2022, SPAK ka në sirtar një kallëzim penal për kryebashkiakun e Rrogozhinës, Edison Memolla, me prova për blerje votash nëpërmjet shlyrjes së faturave të energjisë elektrike të banorëve, madje më 1 qershor 2022 u dënua 30 mijë lekë gjobë nga KQZ.
Mirëpo, Drejtoria e Dekriminalizimit në Prokurorinë e Përgjithëshme dhe SPAK-u, duhet të hetojnë aktivitetin personal e bashkëpunues të kryebashkiakut Edison Memolla, gjatë 8 viteve qëndrim në Itali.
Madje sipas vetë- deklarimit, Edison Memolla rezulton se me “punë” në Peruxhia-Itali, ka qenë dhe gjatë periudhës korrik 2019- shtator 2020 kur paguhej si Zv/kryetar i Bashkisë Rrogozhinë.
Kjo firmë me 11 punëtorë, figuron në emër të Agim Memolla nga Rrogozhina, i cili më regjistrat e drejtësisë italiane e shqiptare, rezulton i dënuar me burg si trafikant femrash e bos prostitucioni.
Ai vepronte me këtë skemë: mashtronte femra me fejesa fiktive e për gjoja punësim te firma e tij, dhe i çonte në Itali ku i detyronte me dhunë të ushtronin prostitucion.
Më 10 maj 2010, Agim Memolla në atë kohë 35 vjeç, u arrestua dhe u ekstradua në Shqipëri, mbasi pas denoncimit nga B. M., një prej femrave të trafikuara e shfrytëzuara prej tij në Itali, Gjykata e Kavajës e dënoi 12 burg, me Vendim Nr. 137, datë 24 dhjetor 2004.
Pas ekstradimit të tij, firmën “MEMOLLA GROUP SRL” ia la në administrim një shqiptari të dënuar edhe ai për trafiqe, ndërsa në vitin 2012, në Itali shkoi Edison Memolla, i cili ishte menaxher të firma “IMPRESA EDILE MEMOLLA AGIM Sh.p.k” në Rrogozhinë, ku administrator ishte ish- kryebashkiaku Haxhi Memolla, i ndarë nga jeta në muajin shkurt 2020.
Për 7 vite, firmën e bosit të prostitucionit në Itali e ka komanduar Edison Memolla, deri para 2 vitesh kur u largua pasi u pikas nga policia e u riktheu në Rrogozhinë, si “yll i ri” i PS, që gjoja erdhi si “ajka e ekselencës në emigracion, për t’i shërbyer rilindjes së Shqipërisë”.
Sa gjeti “strehë” te PS lokale, u emërua menjëherë Zv/kryetar Bashkie i Rrogozhinës, ende pa paraqitur as 2 diplomat universitare, për të cilat deklaron se i ka kryer në Elbasan para se të shkonte në Itali, ndërsa më 6 mars 2022 u zgjodh kryetar Bashkie.
Kompania “MEMOLLA GROUP SRL” në Peruxhia Itali edhe gjatë viteve 2012- 2020 në drejtimin e Edison Memollës, sipas policisë italiane, ka shërbyer dhe si qendër kamuflimi punësh të pista e “strehë”, personash problematikë e femrash që shfrytëzoheshin.
Saktësojmë, se mes miqve, bashkëpunëtorëve të afërt e “frekuentues” të kryebashkiakut Edison Memolla gjatë 1 viti punësh misterioze e 7 viteve “CEO” te firma në Itali, ishin dhe dy vëllezërit trafikantë Zamir e Arjan Xhihani, të dënuar burg.
Pas zgjedhjes së Edison Memollës Kryetar Bashkie i Rrogozhinës më 6 mars 2022, së bashku kanë ri-filluar bizneset e ri-ndërdimit, lejeve të ndërtimit të hoteleve, tenderët dhe qiratë e plazheve. Kaq për sot./Pamfleti
