Standarti i Foltores/ Ina Zhupa; nga gruaja e kontrabandistit dhe bosit të kullës së Sahatit në kryesinë e Sali Berishës

Lëpijnë njeri-tjetrin/ Sa herë që Ina Zhupa dilte në mbështetje të PD, Lulzim Bashës, Enkelejd Alibeajt e linjës së SHBA e thoshte: “Saliu është e kaluara e zezë e PD dhe ish-kryetari “non grata” duhet të ndëshkohet nga drejtësia”; mediat e Foltores i publikonin lidhjet me krimin, kontrabandën, pastrimin e parave dhe pazaret me Edi Ramën, për përfitim lejesh ndërtimi kullash e tenderësh në shumën 7 milionë Euro

Në prezantimin e listës së kandidatëve për Kryesinë e Foltores, që Sali Berisha e konsideron PD dhe veten kryetar të saj pa vendim gjykate, veçoi deputeten Ina Zhupa, të cilën e quajti “personalitet, politikane me integritet e kontribute të shkëlqyera…”

E quajti të tillë tani, pasi Ina Zhupa i shkoi “pas këpucës”; ndërsa deri para 2-3 muajsh, mediat e Zenit dhe vetë Saliu me “Qytetarin digjital” e etiketonin si pjesë grupeve mafioze të krimit të organizuar pranë  pushtetit.

Sa herë që Ina Zhupa dilte në mbështetje të PD, Lulzim Bashës, Enkelejd Alibeajt e linjës së SHBA kundër Sali Berishës, mediat e Foltores i publikonin lidhjet me krimin, kontrabandën, pastrimin e parave dhe pazaret me Edi Ramën, për përfitim lejesh ndërtimi kullash e tenderësh në shumën 7 milionë Euro.

Si provë përdornin burrin e saj Fabian Goçi, biznesmen karburantesh, ndërtimi, restorantesh, resortesh, lojërash fati etj., fshehur pas 6 firmave fantazma, me të cilat përveçse bën kontrabandë mallrash, trafiqe e pastrim parash me lejen e mafies së pushtetit,  përfiton dhe tenderë e koncesione nga qeveria.

Madje mediat e Zenit por dhe Saliu me “Qytetarin digjital”, i kanë përmendur Ina Zhupës dhe emrat e 6 kompanive mafioze të burrit të saj, si: “DIGA Sh.p.k”, “BALKANS PETROLEUM INTERNATIONAL Shpk”, “BALKANS PETROLEUM ALBANIA Shpk”, “2A2F-L OIL Sh.p.k”, “A&T Sh.p.k” dhe “BA KONSTRUKSION Sh.p.k”.

Ndërsa pasi iu bashkua Foltores dhe shkoi te kuvendi i 30 prillit, Ina Zhupa nuk po akuzohet më si gruaja e Fabian Goçit, biznesmenit kontrabandist, trafikant, përfitues tenderësh, mashtrues tatimor me 5 milionë Euro TVSH i dënuar me 8 vite burg dhe ortak të kulla pranë Sahatit. Inën, nuk po e quajnë më pasanike me disa shtëpi në bllok, makina, pushime e veshje luksi; përkundrazi, “non grata” Sali Berisha e bëri anëtare kryesie, duke e quajtur “Personalitet të shkëlqyer”.

Sepse tani, prej 2 muajsh në Foltore, as Ina Zhupa nuk po quan më Saliun: “E kaluara e zezë e PD dhe ish-kryetari “non grata” që duhet të ndëshkohet nga drejtësia amerikane”. Lëpijnë njeri-tjetrin”./Pamfleti