Stoltenberg: Do të shkruajmë histori, Maqedonia nënshkruan protokollin për hyrje në NATO këtë muaj

Stoltenberg: Do të shkruajmë histori, Maqedonia nënshkruan protokollin për hyrje në NATO këtë muaj

Sekretari i Përgjithshëm i NATO-s, Jens Stoltenberg ka njoftuar se në datën 6 shkurt do të mbahet ceremonia e nënshkrimit të dokumentit për anëtarësimin e Maqedonisë në Aleancë.

Kjo ceremoni do të mbahet në selinë e NATO-s në Bruksel, në praninë e ministrit të punëve të Jashtme, Nikolla Dimitrov.

29 ambasadorë të vendeve anëtare do të nënshkruajnë protokollin, ku Maqedonia do të mund marrë pjesë në të gjitha “formatet kryesore” të këshillit veriatlantik.

“Më 6 shkurt do të shkruajmë historine: Aleatët e NATO-s do të nënshkruajnë protokollin e pranimit të Republikës së Maqedonisë së Veriut së bashku me ministrin e Punëve të Jashtme, Nikolla Dimitrov”, shkruan Stoltenberg në Twitter.

Pas nënshkrimit të protokollit, secili shtet anëtar i NATO-s duhet ta ratifikojë anëtarësimin e Maqedonisë, procedura mund të zgjas deri në 2 vite, edhe pse pritshmëritë janë se do të përfundojë në fillim të vitit 2020 apo në fund të këtij viti.

Rajoni Maqedoni NATO