Sekretari i Përgjithshëm i NATO-s, është zotuar se do mbështesë Ukrainën për aq kohë sa i nevojitet, në luftën me Rusinë.
Gjatë një takimi me ministrat në Bukuresht ai tha se: “Presidenti Putin po dështon në Ukrainë ndaj ai ka shtuar sulmet. Sulmet drejt infrastrukturës energjetike janë të qëllimshme”.
Sipas Stoltenberg, ndërsa ne “të gjithë po paguajmë një çmim” për sulmin e Rusisë në Ukrainë, ukrainasit paguajnë me gjak.
“Në të ardhmen e afërt, ne duhet të jemi të sigurt se Putini nuk e fiton luftën”, u shpreh sekretari i Përgjithshëm i NATO-s. Po ashtu, ai komentoi kërkesën e Varshavës për vendosjen e Patriotëve në Ukrainë dhe jo në Poloni.
Për sekretarin e NATO-s, se ku do të vendosen sistemet e mbrojtjes raketore Patriot, të ofruara nga Gjermania për Poloninë, mbetet një zgjedhje kombëtare.
