Në 8 vite pushtet, Edi Rama i ka dhënë bizneseve oligarkike e mafioze turke, të lidhur me grupin dhe familjen Erdogan, 4 koncesione strategjike afro 3 miliardë Euro me tendera e koncesione të tjerë në investime dhe shërbime publike, pa harruar aplikimin e turqishtes si gjuhë e huaj kryesore në arsimin publik të Shqipërisë; ndërsa këtë 17 janar, të përulur me temena para tij, shpërfilli edhe emrin e përvjetorin e Heroit Kombëtar, Gjergj Kastriot Skënderbeu, për të cilin po heshtine dhe “atdhetarët” e opozitës
Ditën e hënë, protokolli i ngjarjeve historike shtetërore, la jashtë nderimit ceremonial 554 vjetorin e vdekjes së “Heroit Kombëtar” Gjergj Kastrioti Skëndërbeu, për shkak se pikërisht në këtë datë, kryeministri Edi Rama sajoi një vizitë nderi për “sulltanin” e ri të Turqisë, Rexhep Taip Erdogan.
Në Laç, vetëm pak kilometra larg Memoralit të Skënderbeut, kryeministri e ka mbushur këtë qytet dhe krejt Tiranën, me flamujt e Turqisë, si për t’i bërë karshillëk denigrues, Heroit të Kombëtar dhe historisë që ai skaliti 5 shekuj më parë e të tjerë burra kombi pas tij deri më 28 nëntor 1012.
Edhe nëse vizita më 17 janar është caktuar djallëzisht nga Erdogan, kryeministri Rama e pranoi këtë provokim të rëndë anti-kombëtar dukshëm si përdhosje e nënshtrim, por edhe “atdhetarët” Sali Berisha, Ilir Meta e Lulzim Basha, nuk kanë reaguar ndaj këtij skandali shteteror anti-kombëtar.
Nuk kanë frikë, por heshtin sepse 3 kryeministrat Sali Berisha, Ilir Meta e Edi Rama, janë “pashallarët” që kanë plotësuar interesat ekonomiko-politike të Turqisë në Rajon e Shqipëri.
Faktet tregojnë, se 3 (ar)miqtë “pashallarë” të Shqiqërisë, janë miq të “sulltan” Erdoganit; dhe i kanë dhuruar e shitur për “5 kacidhe” bizneseve turke, sektorët ekonomikë e të shëbimeve strategjike të ekonomisë shqiptare, shumica të lidhur me interesat e familjes Erdogan.
Pasurinë e parë ish-Kombinatin Metalurgjik, tashmë të quajtur “Kurum”, Turqisë ia ka dhënë “pashai” Sali Berisha kur ishte President.
Pasuria e dytë strategjike është “Albtelcom”, dhënë grupit mafioz “Çalik Holding”, bërë gati për shitje nga Fatos Nano dhe Sali Berisha, i cili e konsideroi “krim anti-kombëtar”, por pas pazarit me Erdogan në 2005-ën, e finalizoi shitjen me 20% të vlerës faktike.
Pasuria e tretë strategjike, janë 4 HEC-et “Bistrica 1-2”, “HEC-Ulëz” e HEC-Shkopet”, të cilët ish-kryeministri Sali Berisha dhe zëvendësi i tij aleat në pushtet Ilir Meta, në pazar me Erdogan ia shitën firmës mafioze turke “Kurum”, me vlerë 87 milionë Euro, ose vlera e energjisë që këto HEC-e prodhonin në 2 vite.
“Pashai” Ilir Meta, në prill 2001 kur ishte kryeministër, i ka dhuruar për 30 vite koncesionin e minierave të bakrit, grupit mafioz turk “Ber Oner” ku bënë pjesë dhe dhëndri i Erdogan; ndërsa në janar 2017 kur ishte në pushtet me Edi Ramën, ia zgjati afatin edhe 15 vite të tjerë, si dhe licencën e shërbimit telefonik “EAGLE MOBILE”.
“Pashai” Edi Rama, 2 muaj pas uljes në kolltukun e kryeministrit, i ka dhënë firmës “Kurum”, koncesionin e terminalit të kontenierëve në Portin e Durrësit dhe TEC-et “ALBANIAN OIL RAFINERY” në Cërrik e brenda ish-Kombinatit Metalurgjik në Elbasan.
Po kështu, “pashai” Edi Rama i ka dhuruar dhëndrit të familjes së “sulltan” Erdoganit, koncesionin e transportit ajror “Air Albania”; i ka dhuruar koncesionin e Aeroportit të Vlorës; koncesionin e tunelit në Llogara dhe 18 vend-burime nafte e gazi në zonat Patos-Ballsh-Vlorë.
Në 6 vitet e fundit, “pashai” Edi Rama i ka dhënë bizneseve oligarkike e mafioze turke, të lidhur me grupin dhe familjen Erdogan, afro 3 miliardë Euro tendera e koncesione të tjera në investime dhe shërbime publike, pa harruar futjen e turqishtes si gjuhë e huaj kryesore në arsimin publik të Shqipërisë.
Ndërsa “sulltan” Erdgoni, i ka dhënë Shqipërisë spitalin në Fier dhe një lagje banimi në Laç, që paçka se është dhuratë nga taksa e popullit turk, do t’i vendoset emri “Rexhep Taip Erdogan”.
Madje me aq shumë tam-tame e temena nga “pashai” Edi Rama, sa në këtë 17 janar, shpërfilli emrin dhe përvjetorin e Heroit Kombëtar, Gjergj Kastriot Skënderbeu, për të cilin po heshtin dhe “pashallarët” Berisha, Meta e Basha./Pamfleti
