Një ngjarje e rëndë është shënuar ditën e sotme në parlamentin grek. Një studente 17-vjeçare nga Selaniku, pasi kaloi kontrollin, tentoi të futej në ambientet e brendshme me një thikë 13 cm të gjatë. Menjëherë, pasi u konstatua nga autoritetet, u bë i mundur arrestimi i saj.
Sipas “Protothema.gr” gjatë kontrollit u zbulua se ajo kishte me vete kanabis.
Një rast i ngjashëm ka ndodhur dhe më parë. Një nxënës 14-vjeçar i një shkolle në Argyroupoli tentoi të futej me thikë në Parlament më 8 nëntor, mirëpo më pas është arrestuar.
