Bota11 Dhjetor 2018, 21:14

Sulm terrorist në Francë, breshëri plumbash në Strasburg, të plagosur dhe një i vdekur

Shkruar nga Pamfleti
Sulm terrorist në Francë, breshëri plumbash në Strasburg,

Sulm terrorist në Francë, breshëri plumbash në Strasburg, të plagosur dhe një i vdekur

Të paktën dy persona raportohen të kenë mbetur të plagosur pas një serie të shtënash në qytetin lindor francez, Strasburg. Lajmi konfirmohet si nga zyra e kryebashkiakut, ashtu dhe nga policia. Oficerë të sigurisë kanë rrethuar menjëherë vendngjarjen duke krijuar perimetrin e sigurisë, ndërkohë që të gjithë tramvajet që kalonin nga zona janë ndalur.

Incidenti thuhet të ketë ndodhur shumë pranë një tregu Krishtlindjeje, në një prej shesheve qendrore të qytetit, “Place Kleber”.

Një raportim citon zyrtarë të Departamentit të Zjarrfikëses të thotë se një person ka mbetur i vdekur, por kjo ende nuk është konfirmuar nga policia. Autoritetet rajonale konfirmuan “një incident në vazhdim” në qytet, por pa dhënë detaje.

Një gazetar lokal publikoi në Twitter lajmin se ka pasur një seri të shtënash në rrugët e qendrës së qytetit. Emmanuel Foulon, drejtues i shtypit për Parlamentin Europian tha se “ekziston panik” në qytet pas të shtënave, por policia ndodhet në vendngjarje.

 

Bota francë