Deputetja e Partisë Demokratike, Jorida Tabaku ka reaguar për sulmet e kryeministrit Edi Rama ndaj mediave britanike dhe sekretares së Brendshme Suella Braverman për emigrantët shqiptarë.
Tabaku thotë se fatkeqësisht largimi i shqiptarëve është fenomen real dhe qeveria duhet të shohë këtë problem para se të hidhet në sulm ndaj Britanisë për politikat e saj.
“Fatkeqësisht largimi i shqiptarëve po ndodh & duhet të merremi me të! Mohimi, sulmi, relativizimi nuk ndihmojnë! Emergjente një strategji e zhvillimit rajonal për zonat më të varfëra, krijimi mundësive ekonomike, rritje e konkurencës dhe ulje e pabarazisë!”, shkruan Tabaku në postimin e saj.
Fatkeqësisht largimi i shqiptarëve po ndodh & duhet të merremi me të! Mohimi, sulmi, relativizimi nuk ndihmojnë! Emergjente një strategji e zhvillimit rajonal për zonat më të varfëra, krijimi mundësive ekonomike, rritje e konkurencës dhe ulje e pabarazisë! pic.twitter.com/N9n0D2bdPk
— Jorida Tabaku (@jorida_tabaku) November 3, 2022
Kryeministri Edi Rama ka akuzuar Britaninë e Madhe se po përdor si ‘kokë turku’ shqiptarët për të justifikuar “politikat e saj të dështuara” për kufijtë dhe migracionin.
Në një intervistë për BBC, Rama komentoi deklaratat e sekretares së Brendshme të Britanisë së Madhe Suella Braverman këtë javë se Britania e Madhe po pushtohet duke theksuar se ato janë deklarata që nxisin ksenofobinë.
“Kjo lloj gjuhe nuk është një politikë, nuk është një program”, shtoi ai.
Shqiptarët janë tashmë grupi më i madh i atyre që kalojnë Kanalin Anglez me varka të vogla.
Braverman, e cila tha të hënën se Anglia jugore po përballej me një “pushtim” të emigrantëve, ka akuzuar gjithashtu shumë shqiptarë për “abuzim me ligjet tona moderne të skllavërisë”.
Javën e kaluar, deputetëve iu tha se 12.000 shqiptarë kishin mbërritur në MB pasi kaluan Kanalin deri më tani këtë vit, krahasuar me 50 në 2020, nga këta 10.000 ishin burra.