Ministria ruse e mbrojtjes është ulur në një takim me një delegacion turk ditën e djeshme në Moskë, ku kanë folur për eksportet e grurit nga portet ukrainase.
“Më 21 qershor u zhvilluan negociata në Moskë midis delegacioneve të Ministrisë së Mbrojtjes së Federatës Ruse dhe Ministrisë së Mbrojtjes Kombëtare të Republikës së Turqisë.
Palët diskutuan daljen e sigurt të anijeve tregtare turke dhe eksportin e grurit nga portet ukrainase, si dhe qasjet për të garantuar lundrim të sigurt në Detin e Zi“- tha Ministria ruse e Mbrojtjes.
Dërgesat e grurit nga Ukraina kanë ngecur për shkak të armiqësive të vazhdueshme në rajon që nga fillimi i pushtimit rus. Liderët ukrainas dhe botërorë kanë denoncuar bllokadën e porteve të Ukrainës nga Rusia, me Kombet e Bashkuara duke thënë se kjo mund të shtyjë afro 50 milionë njerëz në uri ose kushte të ngjashme me urinë në mbarë globin. Imazhet satelitore tregojnë gjithashtu se anijet ruse janë ngarkuar me atë që besohet të jetë grurë ukrainas, i vjedhur në Krime, në rrugën e tyre për në portet e Lindjes së Mesme.
Ndërkohë, Moska akuzon palën ukrainase se nuk ka çminuar portet. Presidenti rus Vladimir Putin ka fajësuar vazhdimisht sanksionet perëndimore për krizat e afërta të ushqimit, por zyrtarët e Bashkimit Evropian shprehen se ai po fajëson dikë tjetër për krizën që krijoi vetë.
