Unioni i Gazetarëve Shqiptarë ka dënuar aktin e dhunës për shkak të detyrës ndaj gazetarit Elvis Hila dhe bashkëshortes së tij duke e quajtur atë një “akt banditesk”.
Në deklaratë e tyre lidhur me ngjarjen Unioni i gazetarëve i bërë thirrje Policisë që të ndalojnë sa më shpejt të jetë e mundur autorët e këtij agresion kriminal dhe të dënueshëm.
Gjithashtu Unioni Kërkoi nga autoritetet e policisë së shtetit të marrin masa të menjëhershme për garantimin e qetësisë dhe sigurisë së kolegut dhe familjes së tij.
Deklaratë e Unionit të Gazetarëve Shqiptarë
Akt banditesk mbi gazetarin dhe bashkëshorten e tij në Lezhë
Tiranë më 25 Janar 2023
Unioni i Gazetarëve Shqiptarë dënon ashpër sulmin dhunues mbi gazetarin Elvis Hila dhe bashkëshorten e tij, të ndodhur ditën e mërkurë në qytetin e Lezhës. Sulmi i dhunshëm i dy qytetarëve të identifikuar, mbi gazetarin për shkak të detyrës, përbën një agresion kriminal dhe të dënueshëm.
Kallzimi zyrtar nga gazetari Hila dhe bashkëshortja e tij ndaj dhunuesve përbën një arsye që policia lokale të ndalojë sa më parë autorët dhe t’i verë përballë drejtësisë.
UGSH dënon me forcë aktin kriminal dhe mbështet plotësisht kolegun dhe bëhet pjesë e solidaritetit të krejt kolegëve të Lezhës, ndaj tij dhe familjes.
Kërkojmë nga autoritetet e policisë së shtetit të marrin masa të menjëhershme për garantimin e qetësisë dhe sigurisë së kolegut dhe familjes së tij si dhe mundësimin e gjithë lirisë për të ushtruar detyrën e vet si reporter.
