Krimi në politikë, i maskuar pas bukurosheve që bëjnë jetë luksi/ Nëse do lejohen nga Babloku, Anti-krimi Ekonomik dhe Drejtoria e Parandalim-Pastrimit të Parave, duhet të bëjnë verifikimin e burimit financiar të krijimit të kësaj pasurie gjigande me emërtesë “Supreme Hotel&SPA” në Qerret-Kavajë e me vlerë mbi 3 milionë Euro, me pikënisje faktin se gjatë detyrës në kryeministri e pas saj, ka qenë kontigjent krimi e korrupsioni
Rasti i Ergys Hoxhës, ish-Drejtorit të Anti-Korrupsionit në kabinetin “Rama”, është prova e qartë dhe e plotë, se si një zyrtar i lartë shteti, i emëruar prej klanit familjar të kryeministrit, mund të bëhet pasanik me llogari bankare, apartamente, vila e restorte luksi në bregdet.
Qysh prej muajit korrik 2019, “Gysi” i Bablokut, ka ndërtuar resort-hotelin e tij luksoz “Supreme Hotel&SPA”, me sipërfaqe 9450 m2 buzë detit në Qerret, ku si pjesë përbërëse ka dhe 3000 m2 rërë.
Këtë hotel me vlerë mbi 3 milionë Euro, ish-drejtori anti-korrupsion, Ergys Hoxha, thotë se e ka ndërtuar me kursimet nga paga në Kyeministri, marrë prej muajit shtator 2013 deri më 30 shtator 2017 dhe me donacione nga familjarët.
E ka ndërtuar me leje nga Bashkia-Kavajë dhe miratuar nga Rama në KKT; toka i është dhënë po nga bashkia me çmim 26 lekë m2, ndërsa rëra i është dhënë me qira për 20 vite e për 3 lekë/m2 në ditë nga Ministria e Ekonomisë, me letra si “biznes turistik strategjik”.
Anti-krimi Ekonomik dhe Drejtoria e Parandalim-Pastrimit të Parave, nëse do lejohen nga Babloku, duhet të bëjnë verifikimin e burimit financiar të krijimit të kësaj pasurie gjigande në pronësi të Ergys Hoxhës.
Jo vetëm për faktin, se pas largimit nga detyra e lartë në qeveri ka ndërtuar resortin luksoz “Supreme Hotel&SPA” në bregdetin e Qerretit-Kavajë, por së pari, sepse gjatë detyrës në kryeministri e pas saj, ka qenë e vazhdon të jetë kontigjent kriminal dhe aferash korrupsioni.
Fakti i parë, ka lidhje me raportin e SHISH e të Policisë, për përfshirjen e tij të dhunshme e anti-ligjore jashtë kompetencës së detyrës, në çdo aksion të ALUIZNI e INUK, për prishje objektesh në Tiranë, Durrës, Kavajë, Shëngjin, Vlorë, duke diktuar se ku nuk duhej futur ruspa.
Fakti i dytë, është prangosja më 6 maj 2014 në Tiranë, pasi u kap me makinë të blinduar me targa false; brenda të cilës u gjetën targa të tjera false e kokainë, skandal për të cilin, Rama bëri sikur e pezulloi nga detyra.
Fakti i tretë, është kapja nga policia në tetor 2016, në një makinë vrasësi e trafikanti droge dhe armësh; por fshehur si ngjarje me urdhër të Bablokut; si detyrim ngaqë pak para ngjarjes, ishte rrahur nga “kolegët” e Olsit për punë pazaresh.
Fakti i katërt, është eksplozivi “C4”, që Ergys Hoxhës iu vendos poshtë makinës para kryeministrisë, nga “ortakët” dhe rivalët e punëve të pista, por u servir sikur ishte makina e zyrtarit Besnik Dervishaj.
Edhe pse “Gysi i Bablokut”, njihet e është skeduar për “punë cubash”, deri me rrahje policësh, ai vazhdon të jetë në strukturat e drejtuese të “Rilindjes”.
Ndërsa “gjysmën tjetër” të tij Oriola Nebiaj, me të cilën është fejuar pas divorcit me gruan; Ergys Hoxha e ka angazhuar në shtabin e opozitës, si kandidate të PD me Nr. 18 në Tiranë.
Deklarata e Oriolës para 24 orësh, se e ka ta garantuar mandatin e deputetes; ndoshta e ka sigurinë te milionat e zeza të “Gysit”, i cili siç tregoi “zotësi” me ndërtimin e resortit gjigand gjatë detyrës Drejtor Anti-korrupsioni pranë Bablokut; siguroi dhe kandidimin e saj te lista e Bashës./Pamfleti
