Deputeti Erion Braçe ka vijuar replikat me kreun e qeverisë Edi Rama, për rënien e numrit të lopëve.
Braçe u ndal te rritja ekonomike ku veçoi bujqësinë e cila sipas tij ka pësuar 0.01% rritje. Ai ironizoi duke thënë se edhe tani do thonë se i ka numëruar gabim Erioni për të vënë në siklet qeverinë.
“Do paguajmë më shtrenjtë hekurat, tubat me çmimet që janë abuzim. Po për punëtorët a do paguajmë ne më shtrenjtë apo do vazhdojmë të paguajmë me çmimet e vitit 2020. Sa të paguajmë para për tuba po punëtorinë a do e paguajmë ne.
Po konkurroheni nga tregje më të pasura që janë më ftuese për çdo punëtor. 5.97% rritja ekonomike. Një lajm shumë i mirë. Por bujqësia ishte 0.01%. Ça do thoni tani se i ka numëruar gabim Erioni si lopët, për të vënë në siklet qeverinë?”, tha ai.
Deputeti Braçe i është drejtuar me tone të larta opozitës në Kuvend, duke i thënë se po bën propagandë e po frikëson qytetarët mbi situatën në të cilën ndodhemi.
“E lëmë politikën, po si ka mundësi që nga 2013, ai që nuk është në këtë sallë dhe ju, vijoni me të njëjtën propagandë, me propagandën e frikës. Pastaj do bien bankat, nuk di të keni lekë për pensione, po si ka mundësi që kurrë nuk i flisni njerëzve për atë që është e mirë por i shponi deri në palcë për frikën. Të gjithë janë në një situatë krize e në presion të inflacionit. Shqipëria ka kaluar situate të vështira edhe në kohën tuaj por nuk krahasohen me këtë.
Asgjë nuk bëtë kur ishit në pushtet. Nuk rritët asnjë ndihmë ekonomike, se do e kishim gjetur ët rritur. Janë dy situate që po ti krahasojmë na nxjerrin si dita me natën. Nuk po bëjmë atë që bëtë ju, që i përplaset kompanitë në dyert e bankave për të marrë kredi. Rrugët që mbarojnë nuk është interesi i një qeverie por interesi i qytetarëve që përfitojnë nga veprat publike. I gjithë procesi ka nevojë për më shumë transparencë. Është proces, duhet të detajohet e të bëhet konkret për te gjithë.
Kemi nevojë për punë e për punëtorë sepse po konkurohemi shumë keq nga vendet europiane por për fatin tonë të ketë politikat e tyre janë një hap para nesh.”- tha Braçe