Shkruar nga Pamfleti
Tayson i del në mbrojtje Messit: Nëse Canelo guxon ta prekë, rikthehem në ring
Disa polemika shpërthyen në fillim të kësaj jave kur boksieri Saul ‘Canelo’ Alvarez sulmoi Lionel Messin se kishte shkelur fanellën e kombëtares meksikane ndërsa festonte fitoren 2-0 të Argjentinës ndaj Meksikës në fazën e grupeve të Kupës së Botës 2022.
Pas fjalëve të tij, legjenda e boksit Mike Tyson u hodh në mbrojtje të Messit, duke paralajmëruar Canelo se ai do të ishte i gatshëm të kthehej në aksion në një ndeshje kundër boksierit meksikan:
“Dikush, i quajtur ‘Canelo’ kërcënoi Messin”, tha Tyson për BBO Sports.
“Nëse ai guxon të prekë Messin, do të më duhet të kthehem në ring”.
Canelo tashmë i ka kërkuar falje Messit. Boksieri meksikan shkroi në Twitter për të treguar se ishte gabuar, duke i kërkuar falje yllit të Paris Saint-Germain dhe njerëzve nga Argjentina.
“Këto ditët e fundit u mashtrova nga pasioni dhe dashuria që ndjej për vendin tim dhe bëra komente të pavenda, kështu që dua t’i kërkoj falje Messit dhe popullit të Argjentinës”, ka shkruar Canelo.
“Çdo ditë mësojmë diçka të re dhe këtë herë ishte radha ime”.
