Të shtëna me armë zjarri janë regjistruar mbrëmjen e sotme pranë zonës së njohur si ish-QTU në Fier.
Nga të dhënat paraprake bëhet me dije se nga të shtënat ka mbetur i plagosur rëndë një person, i cili është dërguar në gjendje të rëndë në spital.
Ende nuk dihen rrethanat e plota të ngjarjes, apo identiteti i të lënduarit. Ndërkaq, mësohet se arma me të cilën është qëlluar është kallash.
Policia ka mbërritur në vendin e ngjarjes, ndërsa janë ngritur postblloqe për identifikimin dhe kapjen e autorëve.
