Një vajzë shtatëvjeçare dhe tri gra janë plagosur me armë zjarri në qendër të Londrës.
Mediat vendase raportojnë se policia është informuar për të shtëna armësh në stacionin e Euston. Për pasojë, një vazjë 7 vjeç dhe tre gra të moshës 48, 54 dhe 41, u dërguan në spital pas incidentit të së shtunës pasdite në Phoenix Road.
Detektivët thanë se ngjarja ka ndodhur në afërsi të një kishe, ku po zhvillohej një varrim. Policia tha se të shtënat kanë ardhur nga disa persona brenda një automjeti që ka qenë në lëvizje.
Mësohet se gjendja e të plagosurve është e qëndrueshme.