Shkruar nga Pamfleti
Bilanci i viktimave nga tërmeti tragjik që goditi Turqinë e Sirinë sa vjen e përkeqësohet. Deri më tani raportohet për mbi 5 mijë viktima në total dhe mbi 18 mijë persona të plagosur.
E gjithë bota është solidarizuar me këto dy vende dhe kanë dërguar ekipe të kërkim-shpëtimit si edhe ndihma humanitare.
Ekipet e shpëtimit në Turqi dhe Sirinë e shkatërruar nga lufta kërkuan gjatë natës së e ftohtë të së martës, duke shpresuar të nxirrnin më shumë të mbijetuar nga rrënojat pas një tërmeti 7.7 ballë që vrau të paktën 5,034 njerëz dhe rrëzoi mijëra ndërtesa në një rajon të gjerë.
Autoritetet kishin frikë se numri i të vdekurve nga tërmeti i së hënës para agimit dhe pasgoditjet do të vazhdonin të rriteshin ndërsa shpëtimtarët kërkonin të mbijetuar mes lëmsheve metalike dhe betoni.
Aktiviteti sizmik vazhdoi të tronditë rajonin, duke përfshirë një goditje tjetër pothuajse aq të fuqishme sa tërmeti fillestar. Punëtorët tërhoqën me kujdes pllakat e betonit dhe u kapën për kufoma ndërsa familjet e dëshpëruara prisnin lajmet për të dashurit.
Deri më tani nuk ka asnjë shqiptar që mund të jetë prekur nga tërmetet e fuqishme në Turqi.
Situata në Turqi
Numri i të vdekurve nga tërmetet në Turqinë jugore është rritur në 3,432 me 21,103 të lënduar, sipas shifrave të fundit zyrtare nga Presidenca e Menaxhimit të Fatkeqësive dhe Emergjencave të Turqisë (AFAD).
Sot paradite, nënpresidenti Fuat Oktay tha se mbi 8,000 njerëz janë shpëtuar nga rrënojat, ndërsa 11,022 ekipe kërkim-shpëtimi po punojnë në terren. Ai shtoi se 338,000 viktima të tërmetit janë strehuar në konvikte, universitete dhe strehimore.
Agjencia turke e menaxhimit të fatkeqësive tha se kishte 11,342 raporte për ndërtesa të shembura, nga të cilat 5,775 ishin konfirmuar.
Situata në Siri
Në Siri, zyrtarët e regjimit dhe të shpëtimit raportuan se të paktën 1,602 njerëz u vranë dhe mbi 2,400 të tjerë u plagosën.
Pamje apokaliptike zgjuan botën këtë të hënë, kur lëkundje të dhunshme të tokës tronditën Turqinë dhe Sirinë, teksa banorët ishin në gjumë.
Organizata Botërore e Shëndetësisë (OBSH) deklaroi se rreth 23 milionë njerëz mund të preken nga tërmeti i fuqishëm që goditi Turqinë jugore mëngjesin e djeshëm, i cili ka lënë mbi 5000 të vdekur dhe mijëra të tjerë të plagosur.
“Hartat e përmbledhjes së ngjarjeve tregojnë se potencialisht 23 milionë njerëz janë të ekspozuar, duke përfshirë rreth 5 milionë popullsi të cenueshme, përfshirë më shumë se 350,000 të moshuar, 1.4 milionë fëmijë,” tha zyrtari i lartë i urgjencave të OBSH-së Adelheid Marschang në mbledhjen e bordit ekzekutiv të agjencisë shëndetësore të OKB-së në Gjenevë.
Kreu i OBSH shprehu shqetësimin e tij për situatën, duke e quajtur atë një “garë me kohën”. “Ne jemi veçanërisht të shqetësuar për zonat ku nuk kemi ende informacion. Hartëzimi i dëmit është një mënyrë për të kuptuar se ku duhet të përqendrojmë vëmendjen tonë.”, tha Dr. Tedros Adhanom Ghebreyesus, raportoi CNN.
Ndërkohë numri i viktimave nga tërmeti tragjik në kufirin mes Turisë dhe Sirisë mund të rritet në më shumë se 20 mijë, tha për AFP Catherine Smallwood, menaxherja e urgjencës e Organizatës Botërore të Shëndetësisë për Evropën.
Pavarësisht kushteve të këqija atmosferike shpresa për të shpëtuar qytetarët nga rrënojat nuk është shuar. Në Turqi mbi 7 mijë persona janë arritur të nxirren të gjallë nga rrënojat.
Turqia shpalli gjendjen e jashtëzakonshme, ndërsa shkollat u mbyllën deri në 13 shkurt, ndërsa raportohet se mbi 5 mijë ndërtesa janë dëmtuar dhe shembur nga lëkundjet e forta. Presidenti turk, Rexhep Tajip Erdogan ka shpallur ditë zie kombëtare për shtatë ditë deri në 12 shkurt. Flamuri turk do të ngrihet në gjysmështizë. I shkatërruar tërësisht rezulton aeroporti në Hatay, ndërsa është mbyllur për shkak të pasojave deri në një njoftim të dytë edhe aerporti i Adanasë, më i rëndësishmi në rajonin e goditur.
Shkalla e tërmetit, zonat e prekura
Tërmeti shkatërrimtar me magnitiutë 7.9 sipas shkallës Rihter goditi Turqinë Jugore dhe Sirinë duke lënë pas me mijëra viktima dhe mbi 9000 të plagosur. Lëkundjet e forta të tërmetit me epiqender pranë qytetit Gaziantep u regjistruan në orët e para të mëngjesit të së hënës, kur njerëzit ishin ende në gjumë. Pamjet nga rajonet e goditura ishin shokuese dhe tronditëse. Ndërkohë lëkundjet e forta u ndjenë nga miliona njerëz në Turqi, Siri, Liban, Qipro dhe Izrael.
Rreth mesditës me orën lokale një tjetër tërmet i fuqishëm 7.5 sipas shkallës rihter u shënua në Turqinë Juglindore në qytetin e Kahramanmaras.
#earthquake hits #Turkey amid fears death toll from the disaster 'could hit 20,000': Screams of #survivors freezing to death beneath rubble fill the air as #rescue teams battle the #elements to save #Lives #TurkeyEarthquake #TurkeySyriaEarthquake #TurkeyQuake #TurkeySyria pic.twitter.com/fzzoLw7oLd
— Brandi Worlds News (@BrandiSaari) February 7, 2023
