Aktualitet17 Janar 2023, 10:14

Tërmeti/Pallati në Bulqizë rrezikon shembjen, policia i vë shiritin: Banorët duhet të largohen

Shkruar nga Pamfleti
Tërmeti/Pallati në Bulqizë rrezikon shembjen, policia i vë

Tërmeti ka lëkundur sërish Shqipërinë prej dy ditësh. Kjo ka bërë që shumë shtëpi të dëmtohen në Klos, ndërsa një pallat në Bulqizë rrezikon jetën e 45 banorëve.

Policia e shtetit ka vendosur një shirit në këtë pallat, ndërsa është kërkuar që banorët të largohen nga aty. Ndërkohë ky pallat është dëmtuar nga tërmeti i 2019-ës, ku u vendos për 2 javë shiriti ku tregohej se ai ishte i pabanueshëm.

Por duke qenë se disa banorë nuk pranuan të largoheshin nga banesat e tyre, ata u rikthyen në pallat, ndonëse iu rrezikohej jeta.  Siç shihet dhe nga pamjet, pallati është dëmtuar dhe është shpallur i pabanueshëm.

 

Aktualitet Bulqizë lëkundje pallat Termet