Showbiz 5 Korrik 2018, 08:35

Tërmeti, reagimet e para nga politikanët kryesorë

Shkruar nga Pamfleti
Tërmeti, reagimet e para nga politikanët kryesorë

Edi Rama: Kur thashë në vitin 2011 që e vetmja rrugë për Tepelenën është Tërmeti, ju qeshët, por ikni shikojeni sa e bukur është bërë Tepelena.

Tani po ju them se e vetmja rrugë për Gjirin e Lalzit është Tërmeti.

Po nuk më besuat, shkoni në Lalëz pas disa vitesh dhe nuk do ta njihni më.

Lulzim Basha: Po dëgjoj që ka rënë tërmet.

Ju siguroj që është një shantazh i qeverisë së drogës mbi qytetarët.

Ajo kërkon të frikësojë qytetarët dhe t’u thotë atyre që rrini urtë, se ka dhe më keq se qeveria.

Unë për vete nuk kam ndjerë gjë.

Kur u zgjova nga gumi në drekë pashë lajmet dhe e kam të qartë që qeveria po tenton të frikësojë shqiptarët.

Monika Kryemadhi: Ftoj qytetarët të ruajnë qetësinë, pasi një tërmet mund të shkatërrojë disa shtëpi, ose shumë shtëpi, ose mund të shkatërrojë dhe një qytet të tërë, por nuk mund të shkatërrojë besimin tek LSI.

PD dhe PS janë parti që shkatërrojnë, kurse LSI parti që ndërton, ndaj çdo tërmet duhet ta shikojmë si një shans të ri.

Erion Veliaj: Tërmeti ka shkatërruar godinat e fashizmit, Ministrinë e Bujqësisë dhe Teatrin, si dhe ndërtesën e komunistëve sovjetikë, ish- Komitetin Qendror.

Mendoj se Zoti na dha një shenjë që të heqim dorë nga trashëgimia fashiste dhe komuniste e huaj.

Spartak Ngjela: Për të gjithë ata që nuk kuptojnë, tërmeti ra ditën e pavarësisë së SHBA.

Kjo është shenja që SHBA u dërgon shqiptarëve në ditën e pavarësisë së saj.

Tërmeti që SHBA do shkaktojë në politikën shqiptare, është cunami që do të pasojë këtë tërmet.

Tërmeti u shkaktua nga operacioni i zbarkimit të trupave speciale amerikane në Gjirin e Lalzit, ku pritet arrestimi i Saliut, Metës dhe deputetëve të tjerë që banojnë aty.

Ky është vetëm fillimi.

Nard Ndoka: Kur isha i vogël ra tërmeti i 15 prillit në Shkodër dhe unë isha në majë të hardhisë.

Hardhia filloi të luajë majtas- djathtas, dhe unë mendoja se po tallej vëllai i vogël me mua.

Tani e kuptoj që qenka tall vëllai i madh atje lart në qiell.

Kam 40 vjet që vras mendjen për këtë gjë.

Sali Berisha: Qyetari digital më ka njoftue se ky nuk ishte tërmet, por disa shpërthime të provokuara nga Olsi Rama në Hamallaj, ku ai po kërkon për naftë privatisht.

Shpërthimet duan të trembin banorët e Gjirit të Lalzit të braktisin vilat, që banda e Olsit të hyjë e t’i vjedhë.

Por sot kam pa se burra e gra të opozitës në Lalëz, kanë qendruar stoikë para dyerve të vilave të tyre, të vendosur të vdisnin, por mos t’i braktisnin ato.

Diktatura i ka orët e numëruara./Tema/

Funny reagimet e para nga politikanët kryesorë tërmeti