Importet e ushqimeve nga jashtë vendit po rriten me ritme të shpejta sipas të dhënave të INSTAT.
Nga ky raport, vërehet se në pesë vitet e fundit importi i produkteve ushqimore është rritur me 22%, duke arritur në shifrën e 95.7 miliardë lekë në vitin 2021, nga vlera 78 miliardë lekë që ishte në vitin 2015. Vitin e kaluar pati një rritje të konsiderueshme pasi edhe tregu ndërkombëtar pësoi rritje në shifrën 13.6% brenda vitit.
Gjithashtu edhe eksportet e produkteve ushqimore pësuan rritje me rreth 45% duke arritur në 35.6 miliardë lekë në vitin 2021 nga 24.4 miliardë lekë në vitin 2017. Kjo rritje ka qenë e pamjaftueshme për shkak të eksporteve të ulta.
Sipas të dhënave të INSTAT që u publikuar sot, në vitin 2021 numri i gjedhëve shënoi rënie ,me 7.25 ose 26 krerë lopë më pak se në vitin 2020. Gjithashtu numri i deleve ra me 5% dhe i pulave me 3.2%. Numri i dhive qëndroi thuajse në vendnumëro, teksa iu pa një rritje e numrit të koshereve me 10%.
Vitin e kaluar, importet e ushqimeve ishin gati tre herë më të larta se importet. Për shkak të kësaj ecurie, deficiti tregtar me jashtë për ushqimet u thellua më tej në vitin 2021, duke arritur ne -60 miliardë lekë me një zgjerim gati 12 % në krahasim me vitin 2017.
Menaxherët në fabrikat e përpunimit të qumështit shpjeguan për një prirje të rritjes së furnizimeve me lëndë të parë nga importi për shkak se në tregun vendas ka mungesa të furnizimit, por edhe për faktin se çmimi i qumështit të përpunuar nga tregjet e Serbisë është më i lirë prodhimet e fermerëve.
Të dhënat mbi tregtinë e ushqimeve tregojnë se bujqësia shqiptare është ende larg maturimit dhe ende ka hapësira të mëdha në treg për zëvendësimin e produkteve të importit.
Braktisja e zonave rurale sidomos mosha të reja po bën që numri i bagëtive të reduktohet me shpejtësi sidomos fermat e vogla me një dhe dy krerë. Kjo situatë ka sjellë rënie të gjithë sektorit të blegtorisë edhe në nënproduktet e tjera të mishit dhe qumështit.
/Monitor
