Një makinë luksoze ka thyer perimetrin e vendosur nga policia e Tiranës për zhvillimin e Maratonës në kryeqytet.
Sipas uniformave blu, i rriu Belind Luli, theu rregullat me makinën e tij luksoze, duke rrezikuar dhe jetën e vrapuesve.
Megjithatë, raportohet se emri i Lulit nuk është i panjohur për uniformat blu.
Ai është bërë shpesh objekt i gjobave nga polica për shkak të thyerjes së rregullave të qarkullimit rrugor, si dhe ekspozon makinat e luksit të rrjeteve sociale.
Nga “Rolls Royce” , “Bentley” dhe “Range Rover” janë disa prej mjeteve të tjera super të shtrenjta që Luli reklamon, por nuk dihet ende se si i ka siguruar ato.
Belind Luli ndodhet në komisariat në pritje të masës së sigurisë për shkeljen e kryer.
