Aktualitet 2 Maj 2019, 14:22

Thirrja e fortë e Kryeparlamentarit të Kosovës: E domosdoshme Gjykata ndërkombëtare për krimet e Serbisë

Shkruar nga Pamfleti
Thirrja e fortë e Kryeparlamentarit të Kosovës: E domosdoshme

Thirrja e fortë e Kryeparlamentarit të Kosovës: E domosdoshme Gjykata ndërkombëtare për krimet e Serbisë

Kryetari i Kuvendit të Kosovës, Kadri Veseli ka nisur takime me organizatat të ndryshme që merren me dokumentimin e krimeve të luftës, por edhe me institucione të drejtësisë.

Veseli, siç njofton kumtesa, ka thënë se gjykata ndërkombëtare që do të gjykojë krimet e Serbisë në Kosovë është e mundshme.

Në një status në Facebook, Veseli tha se këto takime janë pikërisht për këtë qëllim.

“Krijimi i Gjykatës Ndërkombëtare për krimet e Serbisë në Kosovë është i domosdoshëm. Dhe ne, si shtet, kemi obligim ta bëjmë të pashmangshëm. Unë tashmë kam filluar iniciativën për këtë qëllim. Për këtë, sot kam takuar Kryeprokurorin e Shtetit, Komisionin Qeveritar për persona të zhdukur, si dhe organizatat e shoqërisë civile që kanë punuar me vite të tëra në fushën e drejtësisë tranzicionale”, ka shkruar ai.

Veseli ka disa ditë që flet rreth asaj që e quan iniciativë, lidhur me krimet e Serbisë në Kosovë. Ai madje u ka dërguar edhe letër parlamenteve të shteteve mike, nga të cilat kërkon të reagojnë për mohimet që Serbia po i bën për masakrat e kryera në Kosovë./Koha.net

Uncategorized Gjykata ndërkombëtare për krimet e Serbisë Kadri Veseli kryeparlamentari i Kosovës