Vijojnë akuzat e Partisë Socialiste ndaj opozitës, kësaj here ka qënë kryetari i grupit parlamentar Taulant Balla i cili ka sulmuar ashpër kryetarin e PD-së Sali Berisha, duke e cilësuar atë si bashkëpunëtor të Sllobodan Millosheviçit.
Mes të tjerash Balla i ka kujtuar Berishës protestën që ai ka thirrur me 7 korrik, ditë kur do të miratohet dhe rezoluta kundër gjenocidit në Srebrenicë.
“S’ja vlen të merresh me ty tani kot. Sa i përket bashkëpunëtorit të Sllobodan Millosheviçit që mori fjalën për procedura, në procedurë thuhet se fjala merret vetëm njëherë. Zotëria që zgjohet vonë dhe vjen këtu të na rikujtojë thyerjen e embargos së tij të naftës për Millosheviçin, vjen dhe hap çështje të sigurisë kombëtare për interesin e tij. Kur ne të mblidhemi këtu më 7 korrik për të kujtuar viktimat e Serbrenicës, zotëria thërret protesta.”, tha Balla.
