Pesë persona u arrestuan pasi një tifoz i Mançester Sitit është në koma, pas një sulmi nga tifozët e Klub Bryzh në Belgjikë. Guido De Pau, 63-vjeç, ndodhet në gjendje të rëndë, pasi u përpoq të merrte shallin e tij nga një tifoz i Bryzhit në një stacion shërbimi në Drongen, raporton ‘Mançester Evening News’.
Sulmi erdhi të martën mbrëma pas fitores 5-1 të Mançester Sitit ndaj klubit belg në Champions League. 63-vjeçari, anëtar i klubit të mbështetësve të Sitizens, ishte duke shkuar për në shtëpi kur ndaloi në stacionin e shërbimit.
Djali i De Pau, Jurgen tha për Mançester Evening News: “Ai është në gjendje kome dhe në gjendje kritike”. 63-vjeçari u sulmua në një parking për shkak të shallit që belgët ia morën si trofe dhe u godit dhunshëm në kokë. Ai tani është në gjendje të rëndë në spital, ndërsa janë arrestuar 5 tifozë belgë.
