Një tjetër tragjedi është shënuar në vend. Dje u mbytën dy vëllezër në liqenin e Prushit, ndërsa sot ka humbur jetën një grua bashkë me dy vajzat e saj. Ngjarja e rëndë ka ndodhur në Fushë Arrëz.
Sipas raportimeve të para, nëna dhe vajzat kanë humbur jetën në dush.
Një nga vajzat ka qenë në dush dhe ka pasur kontakt me rrymën elektrike. Motra e saj ka shkuar për ta ndihmuar, por për pasojë edhe ajo ka rënë në kontakt me rrymën. Më pas ka shkuar nëna, e cila ka pasur të njëjtin fat tragjik. Të treja kanë ndërruar jetë në vend.
Dyshimet paraprake janë se dushi ka qenë në prizë në kohën që vajza ka qenë duke u larë dhe mund të ketë pasur një masë apo shkëndijë elektrike që ka shkaktuar këtë tragjedi. Energjia është përcjellë përmes ujit dhe për pasojë nëna dhe vajzat e saj kanë gjetur vdekjen sapo kanë shkelur në tualet.
