Shtatë zyrtarë të Kadastrës në Tiranë janë pezulluar nga puna dhe janë vënë nën hetim pasi akuzohen se tjetërsuan një godinë ekzistuese dhe e legalizuan si hotel në qendër të Tiranës.
Gjykata Tiranë caktoi detyrim paraqitje edhe për 2 pronarët e hotelit, vëllezërit, Elvis dhe Endri Turtulli, të cilët me letra deklaruan se e ndërtuan në moshën 16 dhe 18 vjeç.
2 vëllezërit, pronën e babait që e kishte ndërtuar në 1995, ia kanë marrë nga pronësia nënës dhe e kanë kaluar në emër të tyre me anë të mashtrimit dhe korruptimit të punonjësve të Kadastrës së Tiranës.
Vëllezërit Turtulli deklaruan si ndërtim pa leje godinën që ndërtoi babai i tyre dhe e tjetërsuan në hotel. Godina u ndërtua në 1995 nga i ati Beqir Turtulli dhe 2 djemtë deklaruan se e ndërtuan në 1998.
Bëhet fjalë për një godinë 5 katëshe dhe 2 nën tokë në qendër të kryeqytetit, pranë Gjykatës së Lartë, mirëpo planin e mirë menduar, ku në ndihmë u kanë ardhur edhe 7 punonjës të kadastrës, ua ka shkatërruar mamaja e tyre. Në bazë të deklarimeve të rrema të djemve, objekti është legalizuar më 5.10.2015 dhe janë pajisur me certifikatën e pronësisë 2 djemve, Elvis dhe Endri Turtulli duke zhveshur nga pronësia nënën e tyre V.K në një kohë që ky objekt me Vendim Gjykate i kishte kaluar asaj në pronësi.
Dy djemtë kanë deklaruar që hoteli është ndërtuar në 1998, kur mosha e tyre ka qenë njëri 18 dhe 16 vjeç, mirëpo nëna e ka hedhur poshtë duke sqaruar se godina është ndërtuar në 1995 dhe se ka qenë i pajisur me certifikatë pronësie nga hipoteka në emër të ish-bashkëshortit, Beqir Turtulli.
Denoncim i saj ka shërbyer si pikënisje për nisjen e hetimeve, e ku në përfundim të tyre u bë e mundur pezullimi i 7 punonjësve të Kadastrës që tjetërsuan pronë në kundërshtim me ligjin teksa ndaj 2 vëllezërve është caktuar masa e sigurisë “detyrim paraqitje”.
Punonjësit e pezulluar nga detyra të Kadastrës janë Erjona Pemaj, Klajdi Dervishi, Genc Tufi, Elsa Sherja, Briseida Baraj, Anisa Caka.
Njoftimi i plotë:
Prokuroria e Rrethit Gjyqësor Tiranë, ka regjistruar procedimin penal nr.8497 viti 2021 për veprën penale të “Mashtrimi” dhe “Shpërdorimi i detyrës”, parashikuar nga neni 143 dhe 248 i Kodit Penal.
Nga tërësia e veprimeve hetimore rezulton se shtetasja V.K, është mashtruar duke u zhveshur dhe duke iu tjetërsuar prona– Hotel, e ndodhur në adresën: Rruga “Reshit Çollaku” nr.1001 Tiranë.
Procesi i zhveshjes nga prona dhe i tjetërsimit të saj fillon me deklarimin e djemve të saj, E.T dhe E.T në zyrën e ALUIZNIT se ky objekt, Hotel, është ndërtim pa leje i ndërtuar në vitin 1998, fakt ky jo i vërtetë, pasi në vitin 1995 ky objekt ka qenë i pajisur me certifikatë pronësie nga hipoteka në emër të ish-bashkëshortit të saj, shtetasit B.T.
Dy djemtë e saj, kanë deklaruar që objekti është ndërtuar në vitin 1998, kur mosha e tyre ka qenë njëri 18 dhe tjetri 16 vjeç.
Në lidhje me tokën, kanë deklaruar se nuk dinë e kujt është, pasi është ndërtuar në truallin e familjes dhe është regjistruar me njohje fakti, sipas ligjeve të asaj periudhe.
Në bazë të këtyre deklarimeve të rreme, si përfundim nga zyra e regjistrimit të pasurive të paluajtshme të pasurisë Tiranë, më 5.10.2015, është legalizuar ky objekt dhe janë pajisur me certifikatën e pronësisë djemtë e saj duke zhveshur nga pronësia nënën e tyre V.K., në një kohë që ky objekt me Vendim Gjykate i kishte kaluar asaj në pronësi.
Më datë 27.06.2022, janë miratuar nga ana e Gjykatës së Shkallës së Parë Tiranë, masat e sigurisë ndaj shtetasve si më poshtë:
1-B si person i dyshuar për kryerjen e veprës penale të “Shpërdorimit të detyrës“ parashikuar në nenin 248 të K.Penal
Masa e sigurisë “Detyrim per tu paraqitur në policinë gjyqësore” neni 234 dhe “Pezullimi i ushtrimit të një detyre a shërbimi publik’’ neni 240.1.a i K.Pr.Penale.
A.C si person i dyshuar për kryerjen e veprës penale të ‘‘Shpërdorimit të detyrës‘‘ parashikuar në nenin 248 të K.Penal.
Masa e sigurisë “Detyrim për tu paraqitur në policinë gjyqësore” neni 234 dhe ‘Pezullimi i ushtrimit të një detyre a shërbimi publik’ neni 240.1.a i K.Pr.Penale.
D.Ll si person i dyshuar për kryerjen e veprës penale të ‘‘Shpërdorimit të detyrës‘‘ parashikuar në nenin 248 të K.Penal.
Masa e sigurisë “Detyrim për tu paraqitur në policinë gjyqësore” neni 234 dhe ‘’Pezullimi i ushtrimit të një detyre a shërbimi publik’’ neni 240.1.a i K.Pr.Penale.
E.P si person i dyshuar për kryerjen e veprës penale të ‘‘Shpërdorimit të detyrës‘‘ parashikuar nga nenin 248 të K.Penal
Masa e sigurisë “Detyrim për tu paraqitur në policinë gjyqësore” neni 234 dhe ‘’Pezullimi i ushtrimit të një detyre a shërbimi publik’’ neni 240.1.a i K.Pr.Penale.
K.D si person i dyshuar për kryerjen e veprës penale të ‘‘Shpërdorimit te detyrës“ parashikuar në nenin 248 te K.Penal.
Masa e sigurisë “Detyrim për tu paraqitur në policinë gjyqësore” neni 234 dhe ‘Pezullimi i ushtrimit të një detyre a shërbimi publik’ neni 240.1.a i K.Pr.Penale.
G.T si person i dyshuar për kryerjen e veprës penale të ‘‘Shpërdorimit të detyrës‘‘ parashikuar në nenin 248 të K.Penal.
Masa e sigurisë “Detyrim për tu paraqitur në policinë gjyqësore” neni 234 dhe ‘’Pezullimi i ushtrimit të një detyre a shërbimi publik’’ neni 240.1.a i K.Pr.Penale
E.Sh si person i dyshuar për kryerjen e veprës penale të ‘‘Shpërdorimit të detyrës‘‘ parashikuar në nenin 248 të K.Penal.
Masa e sigurisë “Detyrim për tu paraqitur në policinë gjyqësore” neni 234 dhe ‘’Pezullimi i ushtrimit të një detyre a shërbimi publik’’ neni 240.1.a i K.Pr.Penale.
E.T, i dyshuar për kryerjen e veprës penale të ‘‘Mashtrimit“ të kryer në bashkëpunim të parashikuar në nenin 143/3 e 25 te K.Penal.
Masa e sigurisë “Detyrim për tu paraqitur në policinë gjyqësore” neni 234 i K.Pr.Penale.
E.T, I dyshuar për kryerjen e veprës penale të ‘‘Mashtrimi‘‘ të kryer në bashkëpunim të parashikuar në nenin 143/3 e 25 të K.Penal.
Masa e sigurisë “Detyrim për tu paraqitur në policinë gjyqësore” neni 234 i K.Pr.Penale.
