Një vajzë 11-muajshe është vrarë në një çerdhe në Lion të Francës nga një edukatore 27 vjeçe. Gruaja, e cila u arrestua dhe rrëfeu për akuzën e vrasjes me vetëdije, tha se spërkati Lizën e vogël me acid, nga ai që përdoret për të zhbllokuar lavamanët dhe më pas e bëri atë ta gëlltiste lëndën e dëmshme kimike.
Sipas saj , arsyeja është se vogëlushja “ka qarë shumë”. Tragjedia ndodhi të mërkurën e 22 qershorit brenda kopshtit “People & Baby” në rrugën Danton në Lyon.
Rreth orës 8 të mëngjesit u thirr ambulanca, e cila e transportoi fëmijën në spitalin Femme-Mère-Enfant në Bron, ku Lisa ndërroi edhe jetë për shkak të djegieve të tmerrshme. Zyra e Prokurorit Publik të Lionit hapi një hetim për incidentin, por sipas shtypit vendas, episode të keqtrajtimit të fëmijëve që qanin ishin raportuar edhe më parë në të njëjtën strukturë.
Sipas të përjavshmes lokale Prima Bergamo, Lisa e vogël ishte vajza e Fabio Bertulettit, 37 vjeç nga Torre Boldone, inxhinieri italian i specializuar në projekte të linjave të tensionit të lartë.
Fëmija i Sophie dhe Fabio lindi më 30 qershor 2021, por pa festuar ende ditëlindjen e saj të parë prindërit do të marrin pjesë në funeralin e Lizës, e cila mbeti viktimë e një ngjarje kaq makabër.
