Aktualitet25 Qershor 2018, 23:07

Toyota me 3.4 milionë euro, flet dërguesi nga Gjermania: Ka pasur dhe ngarkesa të tjera

Shkruar nga Pamfleti
Toyota me 3.4 milionë euro, flet dërguesi nga Gjermania: Ka pasur dhe

Toyota me 3.4 milionë euro, Flet dërguesi nga Gjermania: Ka pasur dhe ngarkesa të tjera, ju them se…

Ilir Doçi, që ka përgatitur dokumentacionin për makinat të cilat janë importuar nga Gjermania në Shqipëri dhe u kapën në portin e Durrësit, ka treguar detaje të tjera në lidhje me këtë ngarkesë.
Në një intervistë për emisionin “Opinion” në Tv Klan, ai ka treguar se nuk ka asnjë lidhje me të arrestuarit në Shqipëri

 

Doçi, i cili jeton në Gjermani tha se biznesmenët në Shqipëri kanë pasur edhe herë të tjera ngarkesa që ai u ka plotësuar dokumentacionet dhe kanë qenë përsëri makina.

Pjesë nga intervista
Ku jetoni?

Në Gjermani.

Me çfarë merreni?

Shes makina të përdorura.

Makina në Durrës, janë blerë tek ju?

Jo nuk janë blerë tek servisi im. Unë kam mbyllur vetëm procedurën doganore.

Ku ishin blerë?

Të gjitha makinat që kanë ardhur në Durrës kanë ardhur nga Belgjika dhe për këtë deklaratë mbaj përgjegjësi.

Pse erdhën te ju?

Unë kam vetëm kontratë për të bërë detyrimet doganore të makinave.

Kontrata e shit-blerjeve ku është bërë?

Në pikën e makinave të mia. Unë i kam bërë vet këto kontrata.

Ata erdhën me makina nga Belgjika?

Po kanë ardhur vete me makina nga Belgjika dhe më pas janë parkuar në servisin tim.

A keni pasur raste te tjera?

Po ka pasur dhe raste te tjera, në emër të firmës. Mund të jenë dy ose tre ngarkesa që kanë ardhur nga Belgjika.

Nga verifikimet që kam bërë më rezulton se jeni nga e njëjta zonë?

Jo nuk kam lidhje me asnjë nga dy personat Vladi.

Kur bëhet zhdoganimi i kontrolloni makinat?

Jo sepse bëjmë vetëm dokumentacionin.

A jeni të gatshme që të përballeni me drejtësinë Shqiptare?

Jam i gatshëm që nga ky moment dhe të përballem me çdo gjë. Që nesër të vi dhe të deklarojë të gjithë informacionin që unë kam.

A e dije se çfarë rruge do bënte traileri?

Po e di është Ankona. Por trajleri mund të largohet nga Itali nga çdo port që dëshiron.

Aktualitet