Thellohet tragjedia e ndodhur në liqenin e Prushit, pasi dy fëmijët e mitur që janë mbytur janë vëllezër. Ata janë 15 dhe 6 vjeç. Sipas informacioneve, djali i vogël është futur në ujë dhe ka ngecur dhe vëllai i madhë është futur për ta shpëtuar, por janë mbytur të dy.
Ndërkohë polumbarët kanë nxjerrë nga liqeni trupat e tyre.
Mësohet se kanë qenë 6 fëmijë që kishin shkuar në liqen për të notuar, por teksa 4 prej tyre dolën nga uji, nuk ndodhi kështu me dy shokët e tyre të mitur.
Duke qenë se bëhet fjalë për një liqen me përmasa të vogla, polumbarët e forcave RENEA arritën të nxjerrin trupat nga uji. Më herët ishte dhe policia që reagoi për ngjarjen.
“Sot, rreth orës 18:05, në liqenin e Prushit, janë mbytur dy të mitur të moshës 11 dhe 13 vjeç. Me marrjen e njoftimit, shërbimet e Policisë kanë shkuar mënjeherë në vendngjarje dhe kanë nisur kërkimet. Njëkohësisht drejt vendngjarjes janë nisur edhe polumbarët e Reneas, për të bërë të mundur gjetjen e trupave të dy të miturve. Grupi hetimor po punon për zbardhjen e plotë të rrethanave të ngjarjes“, njofton policia.
