Një aksident tragjik ka ndodhur në rrugën nacionale Patras–Athinë në Greqi, ku ka humbur jetën një vajzë me origjinë shqiptare. Sipas mediave greke e reja u përplas për vdekje nga një kamion i cili e mori zvarrë.
Por rrethanat e aksidentit kanë qenë edhe më tragjike! 22-vjeçarja kishte ndaluar për të ndihmuar të plagosurit, pasi dy automjete ishin përplasur në rrugë. Por teksa zbriti nga makina për të shkuar të shikonte çfarë kishte ndodhur, vajza e re u tërhoq zvarrë nga një kamion duke i shkaktuar vdekjen tragjike.
Në vendngjarje shkoi menjëherë policia dhe ambulanca, por fatkeqësisht ishte shumë vonë. Për shkak të aksidentit tragjik, autostrada u bllokua për disa orë, ndërsa identiteti i viktimës nuk është bërë i ditur.
Për të rejat më të fundit behuni pjesë e grupit tonë VIRAL në facebook : PAMFLETI
