Shkruar nga Pamfleti
Transportonte emigrantë të paligjshëm me makinë, arrestohet 36-vjeçari në Gjirokastër
Policia e Gjirokastrës ka vënë në pranga një 36-vjeçar, pasi është kapur duke transportuar 4 emigrantë të paligjshëm.
I riu Lefter Dauti është kapur në aksin rrugor Tepelenë-Memaliaj, në vendin e quajtur “Majkosh”, duke i transportuar emigrantët me një automjet tip “Ford” kundrejt shpërblimit me premtimin se do t’i çonte drejt vendeve të BE.
Në cilësinë e provës materiale u sekuestruan automjeti, një aparat celular dhe një shumë parash që dyshohet se është përfituar nga kjo veprimtari kriminale.
Materialet i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufijve”.
Njoftimi i policisë
Vijojnë operacionet për parandalimin dhe goditjen e veprimtarisë kriminale në fushën e kontrabandimit të emigrantëve nga vendet e treta, kundrejt fitimit.
