Përfundon ndeshja e javës së 21 në Kategorinë Superiore. Supersfida mes Partizanit dhe Vllaznisë, e luajtur në “Air Albania” është mbyllur në barazim 1-1.
Miqtë akluan të parët në avantazh në minutën e 11. Liridon Latifi nuk fali duke shënuar në versionin “Panenka”. Shkodranët shpërthyen në festë.
Vllaznia mbeti me 10 lojtarë në minutën e 48 të pjesës së parë, pasi Hakaj doli me të kuq, pasi goditi me brrylë kundërshtarin.
Goli i barazimit për “Demat” erdhi në minutën e 65. Pas një harkimi nga e djathta, topi u deviua dhe shkoi te Cara i cili gjen rrjetën, Vijërojtësi anuloi golin, por VAR-i konfirmoi se sulmuesi ishte në pozicion të rregullt.
Të kuqtë tentuan deri në fund për të gjetur golin, por Cara u ndal nga traversa.
Me këtë barazim, Partizani renditet në vendin e 5 me 29 pikë, ndërsa Vllaznia mban vendin e 4 me 34 pikë.