Tre ditë para përfundimit të afatit, përfaqësues dhe aktivistë të Lëvizjes Vetëvendosje me qendër në Shqipëri kanë dorëzuar në KQZ 3010 nënshkrime, në mbështetje të Iliaz Shehut, për të kandiduar në zgjedhjet parlamentare të 25 prillit.
Për të rejat më të fundit behuni pjesë e grupit tonë VIRAL në facebook :
PAMFLETINë një postim që ka bërë VV, në faqen zyrtare shkruan se janë mbledhur më shumë nënshkrime se sa numri i kërkuar nga KQZ.
POSTIMI I PLOTË:
Këtë të premte, 3 ditë para afatit, një grup prej nëntë vetash, anëtarë të komitetit nismëtar, përfaqësues dhe aktivistë të Lëvizjes VETËVENDOSJE! dorëzuan në Komisionin Qëndror të Zgjedhjeve dosjet me nënshkrimet mbështetëse të 3010 qytetarëve të qarkut Lezhë për zyrtarizimin e kandidaturës së Iliaz Shehut si kandidat nga zgjedhësit për zgjedhjet parlamentare të 25 prillit. Kjo mbështetje masive prej qytetarëve, afërsisht dy herë më e madhe se numri i nevojshëm i kërkuar prej Kodit Zgjedhor dhe KQZ-së, nga bashkitë e qarkut Lezhë (Lezha, Kurbini dhe Mirdita) nga shumë lagje e fshatra, na jep zemër për fushatën zgjedhore dhe na vendos përpara përgjegjësisë për të shkuar tek njerëzit e etur për ndryshim, me vizionin e qartë politik dhe idealet më të sinqerta për kombin dhe shoqërinë tonë. Me këmbënguljen që Iliaz Shehu në Lezhë, Boiken Abazi në Tiranë dhe Kreshnik Merxhani në Gjirokastër të kthehen në zërin e të vërtetës së qytetarëve dhe shpresa e tyre për ndryshim, ne do të vazhdojmë gjatë ditëve në vijim aktivitete gjithnjë e më intensive. Falënderojmë nga zemra gratë e burrat, qytetarët e ndryshëm, punëtorët dhe të rinjtë që na kanë dhënë mbështetjen për kandidimin e z. Iliaz Shehu.
Tiranë, 5 mars 2021
Lëvizja VETËVENDOSJE!
Qendra në Shqipëri.
14 Apr 2021, 3:43 AM (GMT)
Coronavirus Statistikat
128,752 Raste
2,326 Vdekje
98,903 Te sheruar
