Bota12 Tetor 2018, 13:46

Turqia dhe Arabia Saudite, linja që nuk përputhen

Shkruar nga Pamfleti
Turqia dhe Arabia Saudite, linja që nuk përputhen

Turqia dhe Arabia Saudite, linja që nuk përputhen

Turqia dhe Arabia Saudite janë rivalë në garën për të drejtuar botën islamike.

Zhdukja dhe ndoshta vrasja e disidentit saudit Jamal Khashoggi  në konsulatën e vendit të tij në Stamboll nuk janë lajm i mirë për Lindjen e Afërme të pasur me konflikte. Sepse ato ushqejnë tensionet që ekzistojnë për një kohë të gjatë midis Turqisë dhe Arabisë Saudite dhe shtojnë me këtë barrën e konflikteve.  

Të dy janë rivalë në konkurencë për udhëheqjen e botës islamike. Kjo në një kohë që ata janë në krye të kampeve të kundërta: në njërën anë Arabia Saudite, që e ka deklaruar Vëllazërinë Myslimane organizatë terroriste, që imponoi një embargo kundër Katarit dhe që bashkëpunon me Izraelin.

Në anën tjetër, Turqia e Erdoganit e mbështet Vëllazërinë Myslimane, bashkëpunon ngushtë me Katarin dhe u jep një zë palestinezëve, për shembull me kritika për njohjen e Jeruzalemit si kryeqytet të Izraelit. Khashoggi, njëri nga intelektualët drejtues sauditë u pozicionua gjithnjë e më shumë kundër politikës së vendit të tij dhe përfaqësonte pozicionet e Turqisë. Në këtë mënyrë, rasti i tij nxjerr në pah linja të rrezikshme konflikti në Lindjen e Afërt./DW

Bota gazetari saudit Jamal Khashoggi