Shkruar nga Pamfleti
Një 19-vjeçar ka humbur jetën si pasojë e një aksidenti të ndodhur në punë pak minuta më parë. Ngjarja ka ndodhur në Portin e Durrësit dhe viktima është shtetasi R.G, i cili ka ndërruar jetë në spital pas plagëve të rënda të marra.
Aksidenti ka ndodhur teksa ishte duke punuar te sektori i kontejnerëve dhe mësohet se është aksidentuar nga vinçi. Mësohet se policia ka nisur hetimet për të zbuluar rrethanat e ngjarjes.
Por sot, një tjetër person humbi jetën teksa punonte. Një 57-vjeçar ka ndërruar jetë në zonën e Kasharit. Ai ishte duke punuar në një ndërtesë dhe ka humbur jetën pas rënies nga lartësia.
