Një ngjarje e rëndë ka ndodhur në Golem të Kavajës një ditë më parë, ku dy persona kanë humbur jetën si pasojë e asfiksisë nga gazi i gatimit në banesë.
Nga të dhënat paraprake bëhet me dije se, trupat e pajetë të Mihal Jani dhe Anila Llulla, përkatësisht 60 dhe 50 vjeç, u gjetën nga autoritetet pas denoncimeve të familjarëve se kishin humbur kontaktet.
“Më datë 27.11.2021, rreth orës 17:45, në Golem, në katin e dytë të një pallati, janë gjetur në banesën e shtetasit M.J, pa shenja jete dhe pa shenja dhune, shtetasi M. J., 60 vjeç banues në Golem dhe shtetasja A. Ll., 50 vjeçe, banuese në Tiranë.
Nga hetimet paraprake dyshohet se kanë humbur jetën një ditë më parë si pasojë e asfiksisë nga gazi.
Grupi hetimor nën drejtimin e Prokurorisë vijon punën për sqarimin e plotë të ngjarjes.”– thuhet në njoftimin e policisë.
