Sport13 Shtator 2022, 15:30

U dënuan me 5 vite për trukim ndeshjesh, FSHF-ja fal 3 klubet, përfiton edhe arbitri

Shkruar nga Pamfleti
U dënuan me 5 vite për trukim ndeshjesh, FSHF-ja fal 3 klubet,

U dënuan me 5 vite për trukim ndeshjesh, FSHF-ja fal 3 klubet, përfiton edhe arbitri

Federata Shqiptare e Futbollit ka bërë me dije me një komunikatë zyrtare në sajtin e saj se ka shfuqizuar vendimin e datës 3 maj 2022 për dënimin e tre klubeve për 5 vite për trukim të ndeshjeve: Gramshi, Bulqiza dhe Internacional Tirana. E njëjta gjë vlen edhe për arbitrin Memet Koçi.

Sfidat e javëve të fundit (sezonin e shkuar) në Kategorinë e Dytë prodhuan shumë gola dhe rezultate të çuditshme, me FSHF që reagoi menjëherë duke pezulluar klubet dhe arbitrin Memet Koçi.

Në vendimet e fundit të Komisionit të Apelit, bëhet me dije se vendimet janë shfuqizuar dhe klubet do i rikthehen aktivitetit.

Vendimet:

Komisioni i Apelit në FSHF u mblodh për t’u njohur me relacionin e Sekretariatit Teknik dhe pasi shqyrtoi dokumentacionin e paraqitur, diskutoi çështjet në tërësi, duke u bazuar edhe në nenet 76 e vijues të Kodit të Disiplinës Sportive, dhe mori vendimet si më poshtë:

Vendimi nr. 1

Pranimin e ankimit të Klubit të Futbollit F.C Bulqiza.

Shfuqizimin e Vendimit të Komisionit të Disiplinës dhe Etikës nr.34, datë 03.05.2022, pika 1.

Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.

Vendimi nr. 2

Pranimin e ankimit të Klubit të Futbollit KF Gramshi.

Shfuqizimin e Vendimit të Komisionit të Disiplinës dhe Etikës nr.34, datë 03.05.2022, pika 2

Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.

Vendimi nr. 3

Pranimin e ankimit të Arbitrit të futbollit z. Memet Koci.

Shfuqizimin e Vendimit të Komisionit të Disiplinës dhe Etikës nr.34, datë 03.05.2022, pika 4.

Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.

Vendimi nr. 4

Pranimin e ankimit të F.C. Internacional Tirana.

Shfuqizimin e Vendimit të Komisionit të Disiplinës dhe Etikës nr.34, datë 03.05.2022, pika 3.

Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.

Sport Arbitri Bulqiza Federata Shqiptare e Futbollit Gramshi Internacional Tirana Mehmet Koçi