Ish-futbollisti i Serisë A dhe Kombëtares së Nigerisë, Kristian Obodo është rrëmbyer nga banditët në qytetin Uarri në Nigerinë Jugore. Në këtë zonë të vendit afrikan ndodhin shumë rrëmbime nga banda të armatosura, teksa zona është e pasur me naftë.
Sipas një rindërtimi fillestar të fakteve, Obodo ishte në një makinë me partneren e tij dhe kur ndaloi në në rrugë iu afruan disa burra të armatosur që e detyruan të hipte në makinën e tyre. Obodo është liruar dhe nigeriani foli për përvojën e tij të keqe.
“Nuk e kuptoj pse duhet të më bëjnë të kaloj nëpër këto situata, rrëmbyesit më thanë se kishin humbur para, duke vënë baste për ndeshjet e kombëtares nigeriane. Nuk më bënë keq, as më kërcënuan.” Përfundon futbollisti nigerian.
Në zonën Delta është e përqëndruar shumica e popullisë nigeriane dhe ish-futbollistit të Serisë A i ka ndodhur e njëjta gjë në vitin 2012, duke u shpëtuar nga policia të nesërmen e sulmit. Rrëmbyesit kërkuan asokohe afro 150 mijë euro për lirimin e tij, çka besohet se është situatë e ngjashme edhe në rrëmbimin e fundit.
Në vitin 2017, lojtari u tërhoq nga futbolli, teksa ka luajtur me klube si Fiorentina, Udineze apo Peruxha në Itali. Lojtari më vonë ka luajtur në Greqi, Portugali e Rumani, teksa numëron 21 ndeshje dhe 4 gola me Nigerinë.
