Një sulm vdekjeprurëse është bërë nga ana e ushtrisë ukrainase me raketat HIMARS të furnizuara nga SHBA-ja që ka sjell vdekjen e koloneli të 56-të, të presidentit rus Vladimir Putin dhe 40 ushtarëve të tij.
Komandanti i parashutistëve kolonel Andrei Vasilyev, 49 vjeç, dyshohet se u vra në sulmin të premten mbrëma ku raportohet se një raketë e sapo-furnizuar e SHBA-së me rreze të mesme HIMARS ishte përgjegjëse për goditjen e shumë objektivave të Kremlinit ndërsa lufta vazhdon.
Nëse konfirmohet, vdekja e tij do të ishte një nga të parat të shkaktuara nga armët e reja me rreze 43 milje dërguar në Ukrainë nga Presidenti Joe Biden.
Ai ishte komandant i Regjimentit të 137-të të Gardës Ajrore të Divizionit të 106-të të Gardës Ajrore, me bazë në Ryazan. Ai ishte vlerësuar me Urdhrin Rus të Guximit për nderime të tjera.
Autoritetet ukrainase u shprehen se një sulm i veçantë i HIMARS në Izyum, rajoni i Kharkivit goditi një post-komandë ruse, duke vrarë dhe plagosur mbi 40 ushtarë rus.
Sipas informacioneve mendohet se Putin, ka humbur të paktën 11 gjeneralë dhe humbjet e përgjithshme besohet të jenë mbi 30,000, me disa vlerësime të tjera që thonë se mund të jenë afër 50,000 trupa.
E hëna shënoi 124 ditë që kur trupat e Putinit, pushtuan Ukrainën më 24 shkurt, por pavarësisht sulmit të suksesshëm ajror HIMARS, Ukraina është aktualisht nën zjarre të ashpër nga sulmet e reja të nisura në Kiev.
Raketat ruse ranë së fundmi në kryeqytetin ukrainas, duke vrarë të paktën një person.
Sulmi në Kiev ishte vetëm një nga sulmet në Ukrainë, pasi 48 raketa lundrimi u lëshuan në objektiva civilë në të gjithë vendin. Qytetet fqinje lindore të Lysychansk dhe Severodonetsk u përballën me peshën kryesore të sulmeve të premten mbrëma, me këtë të fundit tani nën pushtimin e plotë rus.
Sipas autoriteteve raketat goditën bazat ushtarake, infrastrukturën civile dhe lagjet e banuara, duke përfshirë fshatin verilindor Andriivka të premten mbrëma.
Sulme vazhduan të binin në qytetin e Kharkiv, ndërsa forcat e Kremlinit kryen një raund të ri bombardimesh të rënda. Sulmi i ri vjen pas takimit misterioz të Putinit në orët e vona të së shtunës, mes dyshimeve se ai ka përgatitur një deklaratë të re televizive mbi luftën në Ukrainë dhe tensionet me Perëndimin.
