Pas ‘aksionit’ të kryeministrit Edi Rama ditën e djeshme me kryebashkaikët socialistë në lidhje me pastrimin e plehrave në qytete, kanë mbërritur disa reagime nga Partia Demokratike.
Deputetja e PD, Jorida Tabaku në një postim në FaceBook, ka akuzuar kryeministrin Rama se është shndërruar në mburojë për të zgjedhurit e tij në politikë.
“U dogjën plehrat në Fier, Durrës e Kavajë për të furnizuar me kontrata të majme pronarin e Inceneratorëve. U mbuluan qytetet e mëdha të Shqipërisë nga tymi plehrave. U rritën tarifat e pastrimit në Tiranë, Durrës, Kavajë e Shijak”, shkruan Tabaku në postim.
Postimi i Jorida Tabakut
Një kryeministër që drejton një shtet të kapur shndërrohet në mburojën politike të atyre që e mbajnë në pushtet.
U dogjën plehrat në Fier, Durrës e Kavajë për të furnizuar me kontrata të majme pronarin e Inceneratorëve. U mbuluan qytetet e mëdha të Shqipërisë nga tymi plehrave. U rritën tarifat e pastrimit në Tiranë, Durrës, Kavajë e Shijak.
Dje doli përsëri dhe deklaroi që do të rrisë përsëri tarifat e pastrimit, që t’i çojë para inceneratorëve.
Prandaj i njëjti person dogji ligjet dhe kushtëtutën duke ia ofruar në pjatë të florinjtë 400 mln euro përmes 3 kontratave korruptive Klodian Mirel Mërtirit të inceneratorëve.
Aq frikë saqë vonon dhe ngritjen e Komisionit Hetimor të inceneratorëve me lloj-lloj pretekstesh.
Kjo është kapja e shtetit!
