Sport29 Dhjetor 2022, 21:38

"Unë kam lindur për futbollin, ashtu si Beethoven ka lindur për muzikë", frazat më të famshme të Pele që do të mbahen mend gjatë

Shkruar nga Pamfleti

Legjenda e futbollit Pele u nda sot nga jeta në moshën 82-vjeçare. Ata që kanë jetuar në kohën kur ai luante futboll, janë mahnitur nga magjia e tij me topin.  Ndërkohë Pele ka folur shpesh për futbollin aktual dhe ka disa fraza që do mbeten gjatë në mendje për shumëkënd.

1 – “Një penallti është një mënyrë e keqe për të shënuar”

2 – “Futbolli duhet lënë në kohë, para se ai të largohet nga ju”

3 – “Neymar mund të bëhet edhe më i fortë se unë”

4 – Dedikuar Maradonës:

“Shumë njerëz na kanë krahasuar gjatë gjithë jetës së tyre. Ti ishe një gjeni që magjepse botën. Një magjistar me topin në këmbë. Një legjendë e vërtetë. Por mbi të gjitha, për mua, do të jesh gjithmonë një njeri i madh, me një zemër edhe më të madhe”.

“Sot e di se bota do të ishte shumë më mirë nëse do të krahasonim më pak dhe do të fillonim të admironim më shumë njëri-tjetrin. Pra, dua të them se je i pakrahasueshëm”.

“Rruga juaj është shënuar nga ndershmëria. Dhe në mënyrën tuaj unike, ju na mësuat të duam dhe të themi  “Të dua” shumë më shpesh. U largove aq shpejt sa nuk munda ta tregoja, ndaj do të shkruaj vetëm: Të dua, Diego”.

“Miku im i madh, faleminderit shumë për gjithë udhëtimin tonë. Një ditë, në parajsë, do të luajmë së bashku në të njëjtin ekip. Dhe do të jetë hera e parë që do të ngre grushtin tim për triumf në fushë pa festuar një gol. Do të jetë sepse më në fund mund të të përqafoj përsëri”.

5 – “Racizmi duhet luftuar, por futbolli sot është një përzierje racash, fesh, ngjyrash. Mendoj se episodet që shohim varen më shumë nga situata politike dhe ekonomike. Është një problem social, një protestë kundër administratorëve politikë që më pas shpaloset në mënyrë agresive”.

6 – “Unë kam lindur për futbollin, ashtu si Beethoven ka lindur për muzikë”

7 – “Në dekadën e fundit, më i kompletuari për mua ka qenë Zidane. Sot kemi Messin dhe Ronaldon, por më i kompletuari është Zidane”.

8 – “Neymar është më i fortë se Messi, sepse ai luan mirë me të djathtën dhe të majtën”.

9 – “Futbolli është muzikë, vallëzim dhe harmoni. Dhe nuk ka asgjë më të lumtur se topi që kërcen”.

10 – “Zoti? Shpresoj që ai të më mirëpresë siç bëjnë njerëzit në tokë”.

11 – “Totti është lojtari më i mirë në botë, pavarësisht se ai ishte pak i pafat”.

Sport futbolli Pele shprehje