Zbardhen detajet e urdhrit makabër të liderit koreanoverior, Kim Jong-un, i cili ekzekutoi xhaxhanë e tij duke e hedhur mes 120 qenve të uritur.
Jang Song-thaek u vra fillimisht dhe më pa iu hodh 120 qeneve, të cilët kishin mbetur të uritur për tre ditë, përpara se ta sulmonin gjatë ekzekutimit në vitit 2013, thuhet në një gazetë kineze.
Zyrtarët raportojnë se kanë parë teksa qentë shqyenin mishin e tij, ndërkohë edhe tetë aleatë të ngushtë të Jang u ekzekutuan gjithashtu nga shteti në një vrasje brutale.
Xhaxhai i Kim, Jang është përshkruar në mënyrë dramatike nga shteti si “llum njerëzor i neveritshëm, më i keq se një qen”, raporton Mirror.
Vdekja e Jang, një nga figurat më të fuqishme të Koresë së Veriut, mendohet të ketë qenë për arsye që Kim Jong-un të sigurojë kontrollin mbi kombin pasi babai i tij vdiq në 2011.
Ra Jong-yil, autori i një biografie të Jang të titulluar Dhëndri i një Teokracie, tha: “Me ekzekutimin e tij, Koreja e Veriut humbi praktikisht të vetmin person që mund të kishte ndihmuar vendin të bënte reforma”.
Kjo vjen mes raporteve se Kim Jong-un është “i përgatitur” për të aktivizuar armët bërthamore në një kërcënim rrëqethës për Perëndimin dhe Korenë e Jugut.
