Myrto Uzuni vazhdon formën e mirë te Ferencavaroshi. Sulmuesi i Kombëtares është rikthyer te goli në kampionatin hungarez, duke shënuar gol në fitoren 3-0 të Ferencvaroshit ndaj rivalëve të Fehervarit.
26-vjeçari nuk gaboi para portës në minutën e 58 të takimit, duke shënuar golin e gjashtë në kampionat këtë sezon. Një formë mjaft e mirë për sulmuesin kuqezi që është kthyer në një ndër lojtarët kyç të Ferencvaroshit duke kontribuar jo pak me golat e tij.
Megjithatë në Kombëtare, Uzuni nuk po kalon një moment të mirë ku është kritikuar shumë për rastet e humbura, ndërsa goli i tij i fundit me Shqipërinë daton në shtator të këtij viti në fitoren 5-0 me San Marinon.
