Shkruar nga PamfletiVangjush Dako në bashki, 143 diplomaxhinj fals, me “damka” penale, pensionistë, 70% me lidhje familjare, ja raporti Komisionerit Civil
Fakti/32 prej tyre, janë në sektorin financë-ekonomi, ku drejtore është motra e Gjushit
Po publikojmë sot, vetëm një pjesë nga “dosje e zezë” e emërimeve, pse jo edhe kriminale, që ka bërë Vangjush Dako në Bashkinë Durrës, duke mbushur zyrat me 143 persona me diploma false, me nëpunës me shkollë të mesme e 8 vjeçare, me pensionistë 70-vjeçar, me persona me dosje penale të dënuar, në proces gjyqesh për korrupsion, vjedhje, grabitje me dhunë, pëdhunim, plagosje e vrasje.
Këta “tipa”, janë caktuar në poste e vende pune, ku Gjushi dhe banda e tij bëjnë biznes, përfitojnë e zhvatin miliarda, ndaj dhe janë përzgjedhur me lidhje të afërta familjare, aq sa 70% e administratës në këtë bashki është me lidhje nepotike e pazaresh, mbi të cilët qëndron “dora-vetë” kryetari Vangjush Dako, që gjithë këtë “rrjet merimange” në bashki, ai e ka “kurorëzuar” me emërimin e motrës së tij Valbona Qirjako, në detyrën “Drejtore të Financë-Ekonomisë” të BashkisëDurrës.
Këto emërime, janë zbuluar nga një hetim administrativ, i kryer prej Komisionerit për Mbikëqyrjen e Shërbimit Civil dhe shpallur zyrtarisht, me Vendim Nr. 154, datë 11.07. 2017, nr. 422/3 Prot., ku janë lënë dhe detyrat urgjente, për largimin e “ushtrisë” së emëruar prej Vangjush Dakos, ja, faktet konkrete (sipas raportit hetimor):
