Princi i kurorës së Abu Dhabit, Mohamed bin Zayed Al Nahyan, është zgjedhur presidenti i ri i Emirateve të Bashkuara Arabe, sipas agjencisë shtetërore të lajmeve WAM.
“Këshilli Suprem Federal ka zgjedhur Mohamed bin Zayed si President të Emirateve të Bashkuara Arabe,” tha WAM në një postim në Twitter.
Vendimi erdhi një ditë pasi presidenti i Emirateve të Bashkuara Arabe Sheikh Khalifa bin Zayed Al Nahyan vdiq në moshën 73-vjeçare.
Lidhur me këtë ka reaguar edhe kryeministri Rama i cili thotë se është i pikëlluar për këtë dhe uron presidentin e ri të Emirateve Arabe.
“I pikëlluar thellë për vdekjen e Lartësisë së Tij Sheikh Khalifa bin Zayed Al Nahyan. Lartësia e tij ishte burim frymëzimi për paqen dhe humanizmin. Shpirti i tij pushoftë në paqe. Urime Sheikh Mohammed bin Zayed si President i ri i Emirateve të Bashkuara Arabe. Jam i privilegjuar që e njoh Lartësinë e Tij prej disa vitesh dhe e vlerësoj thellësisht vizionin e tij, udhëheqjen e tij dhe mirësinë e tij unike. Zoti qoftë me të dhe me vendin e tij gjatë gjithë rrugës”, shkruan Rama në një postim në Twitter.
